پاکستان میں عیدالاضحیٰ کی آمد آمد ہے اور قربانی کے مقدس فریضے کی ادائیگی میں صرف ایک مہینہ باقی رہ گیا ہے۔

بکرا اور گائے منڈیاں لگنی شروع ہو چکی ہیں اور لوگ اپنی پسند کے خوبصورت، صحت مند اور لمبے چوڑے جانور کی تلاش میں خواری کے لیے کمر کس چکے ہیں۔

جہاں منڈیوں میں طویل القامت جانوروں کی دھوم ہونے والی ہے، وہیں اب کراچی میں ایک ایسی گائے کا چرچا ہے جو قد قامت میں صرف 58 سینٹی میٹر کی ہے۔

رانی نامی اس گائے کی ویڈیوز سوشل میڈیا پر خوب وائرل ہو رہی ہیں اور لوگ جوق در جوق اس کے دیدار کے لیے پہنچ رہے ہیں۔

گائے کے شوقین افراد کی نظریں اس ننھی سی کیوٹ گائے پر جمی ہوئی ہیں اور اس کی خوبصورتی لوگوں کو متاثر کر رہی ہے۔

ویڈیو میں رانی کی شرارتیں اور پھرتیاں دیکھ کر ہر کسی کا دل چاہتا ہے کہ اسے کسی طرح خرید لیں۔

اہم بات یہ ہے کہ مالک کی جانب سے رانی کا نام گنیز بک آف ورلڈ ریکارڈ درج کرانے کے لیے فارم بھی جمع کرایا جاچکا ہے۔

اہم سوال یہ ہے کہ اس چلبلی اور انتہائی کیوٹ رانی کی قیمت کیا ہے؟

اس حوالے سے مالک کا کہنا ہے کہ قی الحال رانی کی کوئی قیمت مختص نہیں کی گئی لیکن جلد ہی اعلان کر دیا جائے گا تاکہ لوگ اسے خریدنے آسکیں۔ پستہ قد رانی دو دانت کا جانور بتایا گیا ہے۔