وفاق اپنے معاملات میں مسلسل مداخلت برداشت نہیں کر سکتا، رضا ربانی- بول نیوز

وفاق اپنے معاملات میں مسلسل مداخلت برداشت نہیں کر سکتا، رضا ربانی

ویب ڈیسک

06th May, 2022. 01:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاق اپنے معاملات میں مسلسل مداخلت برداشت نہیں کر سکتا، رضا ربانی

رضا ربانی نے کہا ہے کہ وفاق اپنے معاملات میں مسلسل مداخلت برداشت نہیں کر سکتا۔

سابق چیئرمین سینیٹ میاں رضاربانی نے کہا ہے کہ گورنر پنجاب کی جانب سے آرمی چیف کو آئین کے نفاذ کیلئے لکھے گئے خط نے پی ٹی آئی کے دوہرے معیار کو بے نقاب کردیا ہے۔

انہوں نے کہا کہ اگر ادارے آئین کی پاسداری کریں تو تضحیک آمیز رویہ اور پی ٹی آئی کو بچائیں تو جائز کہا جاتا ہے، آئین کی سنگین خلاف ورزی کرنے والی پی ٹی آئی نے جان بوجھ کر آرمی چیف کو خط لکھا۔

رضا ربانی نے کہا ہے کہ گورنر پنجاب نے آرمی چیف کو خط لکھ کرعدالتی احکامات کی خلاف ورزی کی ہے، سپریم کورٹ اور ہائی کورٹ آئینی خلاف ورزی مہم کو روکنے کی کوشش کر رہے تھے تو ان کے خلاف شیطانی مہم چلائی گئی۔

سابق چیئرمین سینیٹ نے کہا ہے کہ گورنر وفاق کا نمائندہ ہوتا ہے، نئی وفاقی حکومت نے ان کی خدمات واپس لے لی ہیں، وفاق اپنے معاملات میں مسلسل مداخلت برداشت نہیں کر سکتا۔

انہوں نے کہا کہ سیاسی تنازعات 1973 کے آئین، قوانین اور قواعد کے اندر رہ کر طے کیے جائیں۔