مفتاح اسماعیل نےکہا ہے کہ ترجیحی شعبوں میں اصلاحات کیلئے اے ڈی بی ہمیشہ ترقیاتی پارٹنر رہا ہے۔

وفاقی وزیر خزانہ مفتاح اسماعیل سے ایشیائی ترقیاتی بینک کے ایگزیکٹو ڈائریکٹر ڈاکٹر وان فارسان بن وان سلیمان اور نور احمد کی ملاقات ہوئی ہے۔

ملاقات میں اے ڈی بی حکام نے مالیاتی انتظام، مسابقت بڑھانے اور نجی شعبے کی ترقی کے لئے تعاون جاری رکھنے کا اعلان کیا۔

کیا جبکہ  اے ڈی بی حکام نے اصلاحاتی پروگراموں اور ترقیاتی ایجنڈے کیلئے تعاون کے عزم کا اعادہ اے ڈی بی حکام نے انفراسٹرکچر، سماجی اور مالیاتی شعبوں میں اصلاحات کیلئے تعاون کا عزم دہرایا۔

وفاقی وزیر خزانہ مفتاح اسماعیل نے موجودہ حکومت کو ورثے میں ملنے والے معاشی چیلنجوں پر روشنی ڈالی جبکہ وزیر خزانہ مفتاح اسماعیل نے ان اقتصادی چیلنجوں پر قابو پانے میں مکمل اعتماد کا اظہار بھی کیا۔

وفاقی وزیر خزانہ کا کہنا تھا کہ اے ڈی بی اصلاحاتی ایجنڈے اور ترقیاتی منصوبوں کے بارے ہمیشہ بہترین معاون رہا ہے۔

مفتاح اسماعیل نےکہا کہ اے ڈی بی نے توانائی، تعلیم، مالیاتی اور قرض کے انتظام اور سماجی و اقتصادی ترقی میں اہم کردار ادا کیا، ترجیحی شعبوں میں اصلاحات کیلئے اے ڈی بی ہمیشہ ترقیاتی پارٹنر رہا ہے۔

وفاقی وزیر خزانہ مفتاح اسماعیل کا مزید کہنا تھا کہ حکومت معیشت کو جامع اور پائیدار ترقی کی راہ پر واپس لانے کے لئے مختلف ساختی اصلاحاتی اقدامات پر کام کر رہی ہے۔

ملاقات میں اے ڈی بی کے کنٹری ڈائریکٹر یونگ یئے، سیکرٹری خزانہ اور دیگر سینئر افسران نے بھی شرکت کی۔