عمران خان اب بھاگنے کی تیاریوں میں ہیں، حسن مرتضیٰ

ویب ڈیسک

30th May, 2022. 12:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان اب بھاگنے کی تیاریوں میں ہیں، حسن مرتضیٰ

حسن مرتضیٰ کا کہنا ہے کہ عمران خان اب بھاگنے کی تیاریوں میں ہیں ایک دن یہ اچانک قوم کو لندن میں ملیں گے۔

پارلیمانی لیڈر و جنرل سیکرٹری پیپلزپارٹی پنجاب سید حسن مرتضیٰ نے اپنے جاری کردہ بیان میں کہا کہ عمران خان دوسرے لانگ مارچ سے بھی راہِ فرار اختیار کر رہا ہے۔

انہوں نے کہا کہ پیدائشی بھگوڑا گرفتاری سے بچنے کے لیے پشاور میں چھپا بیٹھا ہے، گوگی کا وکیل اپنی کرپشن بچانے کے لیے خیبرپختونخوا کے سرکاری وسائل کا ذاتی استعمال کر رہا ہے۔

سید حسن مرتضیٰ نے کہا کہ عمران خان نے مظلوموں کی لاشوں پر بھی اپنی دکانداری چمکانے سے دریغ نہ کیا، عمران خان نے جلسے میں جس مقتول کا پوسٹر لہرایا وہ تحریکِ انصاف کی حکومت میں قتل ہوا۔

پارلیمانی لیڈر کا کہنا ہے کہ بلوچستان کی عوام نے عمران خان کو بلدیاتی انتخابات میں ٹھینگا دکھا دیا، پنجاب ضمنی انتخابات اور خیبر پختونخوا بلدیاتی انتخابات میں تحریکِ انصاف کو مسترد کر چکا ہے۔

حسن مرتضیٰ نے مزید کہا کہ عمران خان بھاگنے کی تیاریوں میں ہیں ایک دن اچانک یہ قوم کو لندن میں ملیں گے۔