حج آپریشن سے متعلق کرائے اور قوائد جاری

ویب ڈیسک

30th May, 2022. 12:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حج آپریشن سے متعلق کرائے اور قوائد جاری

قومی ایئرلائن ( پی آئی اے) کی جانب سے حج آپریشن سے متعلق کرائے اور قوائد جاری کردیئے گئے ہیں۔

پی آئی اے نے حج آپریشن برائے سال 2022 کے معاملے پر قوائد جاری کرتے ہوئے بتایا ہے کہ حج آپریشن نارتھ اور ساؤتھ ریجنز کے تحت ہوگا۔

پی آئی اے نے حج آپریشن پروازوں کے کرائے نارتھ اور ساؤتھ ریجن کے تحت مقرر کردیئے ہیں جن کی ادائیگی امریکی ڈالر کے مساوی پاکستانی روپوں میں کی جائیگی۔

کوئٹہ کراچی پر مشتمل ساؤتھ ریجن سے کم سے کم 810 ڈالر اور زیادہ سے زیادہ 1100 ڈالر کے مساوی کرایہ مقرر کی گئی ہے جبکہ اسلام آباد، ملتان، پشاور پر مشتمل نارتھ سیکٹر کے لیے کم سے 860 ڈالر اور زیادہ 1150 ڈالر کے مساوی کرایہ مقرر کیا گیا ہے۔

دوسری جانب پی آئی اے کا حج آپریشن 31 مئی سے شروع ہوگا جس کے لیے پاکستان سے مدینہ اور جدہ کے لیے پروازیں 31 مئی سے 3 جولائی تک جاری رہیں گی۔

ایگزیکٹو اکانومی کلاس میں جانے والے حجاج کو 40 کلو بیگیج اور 7 کلو ہینڈ کیری میں سامان لے جانے کی اجازت ہوگی۔

اکانومی کلاس میں سفر کرنے والے حجاج کو 35 کلو بیگیج اور 7 کلو سامان ہینڈکیری میں لے جانے کی اجازت ہوگی۔