نیب اور الیکشن ترمیمی بل ایوان صدر کو موصول، صدر مملکت کا اعتراض اٹھانے کا امکان

ویب ڈیسک

30th May, 2022. 12:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیب اور الیکشن ترمیمی بل ایوان صدر کو موصول، صدر مملکت کا اعتراض اٹھانے کا امکان

قومی اسمبلی اور سینیٹ سے منظور شدہ نیب اور الیکشن کمیشن کے ترمیم شدہ بل ایوان صدر کو موصول ہوگئے ہیں جس پر صدر مملکت کی جانب سے اعتاضات اٹھائے جانے کا امکان ہے۔

تفصیلات کے مطابق نیب اور الیکشن کے ترمیمی بل قومی اسمبلی سمیت سینیٹ سے منظوری کے بعد قائدے کے تحت ایوان صدر بجھوائے گئے ہیں۔

اس حوالے سے ذرائع کا کہنا ہے کہ قومی احتساب بیورو ترمیمی بل اور الیکشن ترمیمی بل 2022 ایوان صدر کو موصول ہوگئے ہیں جس پر صدر عارف علوی کی طرف سے اعتراضات کا امکان ہے۔

اس حوالے سے صدر نے دونوں بلز کی منظوری سے قبل آئینی وقانونی ماہرین سے مشاورت شروع کردی ہے تاہم صدر نے دونوں بلز واپس بھجوا دیئے تو حکومت مشترکہ اجلاس سے منظور کروائے گی۔

مشترکہ اجلاس سات جون کو بلایا جاچکا ہے جس سے منظوری کے بعد دونوں بلز دوبارہ صدر کو بھیجے جائیں گے۔

صدر نے دس دن تک منظوری نہ دی تو دونوں بلز از خود قانون بن جائیں گے۔

خیال رہے کہ نیب ترمیمی بل کے تحت احتساب بیورو کے اختیارات کم کیے گئے ہیں، الیکشن ترمیمی بل کے تحت سمندر پار پاکستانیوں کا ووٹ کا حق ختم کیا گیاہے اور الیکٹرانک ووٹنگ مشین کا استعمال نہ کرنے سے متعلق بھی ترمیم بل میں شامل ہیں۔