وزیر اعظم شہباز شریف نے پاکستان کڈنی اینڈ لیور انسٹی ٹیوٹ بورڈ کو بحال کرتے ہوئے ڈاکٹر سعید اختر کو دوبارہ انسٹی ٹیوٹ کا چیئرمین مقرر کر دیا ہے۔

وزیراعظم نے پی کے ایل آئی کے بورڈ آف گورنرز کے اجلاس کی صدارت کی اور اہم فیصلوں کا اعلان کیا۔

Prime Minister #ShehbazSharif announces major decisions regarding Pakistan Kidney and Liver Institute:

🔹PM restores PKLI Board, formal orders have been issued.

Advertisement

🔹Dr. Saeed Akhtar was recalled from USA and has been re-appointed as Chairman PKLI. pic.twitter.com/mRIwJb3kNe

— Prime Minister’s Office (@PMO_PK) May 23, 2022

چار سال قبل ڈاکٹر سعید اختر عدالتی کارروائی اور دیگر معاملات کے بعد واپس امریکہ چلے گئے۔

شہباز شریف کے ویژن سے متاثر ہو کر ڈاکٹر سعید اختر امریکہ میں سب کچھ چھوڑ کر پاکستان آگئے۔

ڈاکٹر سعید اختر کی وطن واپسی میں وزیراعظم شہباز شریف نے ذاتی طور پر کردار ادا کیا۔

پی کے ایل آئی گردے اور جگر کی پیوند کاری کے طریقہ کار کا پہلا جدید ترین اور عالمی معیار کا ادارہ ہے۔

وزیر اعظم شہباز شریف نے بطور وزیر اعلیٰ یہ منصوبہ بنایا تھا۔

وزیر اعظم شہباز شریف نے بطور وزیر اعلیٰ یہ منصوبہ جگر اور گردے کے مریضوں کو علاج کے مہنگے اخراجات اور بیرون ملک سفر کی مشکلات سے بچانے کے لیے بنایا تھا۔

قبل ازیں وزیراعظم شہباز شریف نے متعلقہ حکام کو پاکستان کڈنی اینڈ لیور انسٹی ٹیوٹ (پی کے ایل آئی) میں بین الاقوامی معیار کے مطابق سہولیات لانے کی ہدایت کی تھی۔

وزیراعظم نے یہ ہدایات پاکستان کڈنی اینڈ لیور انسٹی ٹیوٹ لاہور میں فراہم کی جانے والی سہولیات کے جائزہ اجلاس کی صدارت کرتے ہوئے جاری کیں۔

وزیراعظم نے ادارے میں مریضوں کو فراہم کی جانے والی موجودہ سہولیات پر برہمی کا اظہار کیا اور خدمات کو غیر تسلی بخش قرار دیا۔ انہوں نے پاکستان کڈنی اینڈ لیور انسٹی ٹیوٹ میں 50 فیصد غریب مریضوں کا مفت علاج کرنے کی بھی ہدایت کی۔