آسٹریلیا کے لیجنڈری اسپنر شین وارن کے چھوٹے بھائی جیسن وارن نے بی سی سی آئی کے سیکریٹری اجے شاہ سے ان کے گھر پر ملاقات کی۔

 بورڈ آف کنٹرول فار کرکٹ ان انڈیا کے سکریٹری جے شاہ نے آسٹریلیا کے لیجنڈری لیگ اسپنر شین وارن کے چھوٹے بھائی جیسن وارن سے ملاقات کی اور عالمی کرکٹ بالخصوص آئی پی ایل میں وارنی کے تعاون کو یاد کیا۔

جیسن وارن نے جے شاہ سے ان کی رہائش گاہ پر ملاقات کی، اجے شاہ نے ایک ٹویٹ میں کہا کہ وارن نے اپنے پیچھے ایک بھرپور میراث چھوڑی ہے، شین وارن کے چھوٹے بھائی جیسن وارن سے گھر میں ملنا اور ان کی میزبانی کرنا بہت اچھا لگا۔

اجے شاہ کے مطابق ہم نے عالمی کرکٹ، خاص طور پر آئی پی ایل اور اس کے پیچھے چھوڑے جانے والے شاندار ورثے کے لیے وارنی کے تعاون کو یاد کیا۔

Advertisement

It was lovely to meet and host Jason Warne, Shane Warne's younger brother at home. We reminisced Warnie's contribution towards world cricket, especially the @IPL and the rich legacy that he leaves behind. Thank you Jason for your visit and the historical memorabilia of Warnie. pic.twitter.com/XNIjgl6O1L

— Jay Shah (@JayShah) May 3, 2022

راجستھان رائلز نے 30 اپریل کو ممبئی کے ڈاکٹر ڈی وائی پاٹل اسٹیڈیم میں ممبئی انڈینز کے خلاف اپنے میچ سے پہلے ایک منٹ کی تالیاں بجا کر اپنے پہلے آئی پی ایل کپتان شین وارن کو خراج تحسین پیش کیا تھا۔

میچ شروع ہونے سے چند لمحے قبل راجستھان رائلز اور ممبئی انڈینز کے کھلاڑیوں کے ساتھ ساتھ میچ آفیشلز نے خاموشی سے کھڑے ہو کر لیجنڈ کو خراج تحسین پیش کیا اور اس کی تصویر دیوہیکل سکرین پر آویزاں کی۔

واضح رہے کہ شین وارن کا 4 مارچ کو تھائی لینڈ میں مشتبہ دل کا دورہ پڑنے سے انتقال ہو گیا تھا۔

شین وارن کی قیادت میں راجستھان رائلز نے افتتاحی ایڈیشن کے دوران 2008 میں پہلی آئی پی ایل ٹرافی جیتی تھی۔

خراج تحسین اسی مقام پر ادا کیا گیا جہاں شین وارن کی قیادت میں راجستھان رائلز نے ایم ایس دھونی کی چنئی سپر کنگز کو شکست دے کر پہلا آئی پی ایل ٹائٹل جیتا۔