انگلینڈ کے سابق فاسٹ بولر ڈیرن گف لاہور قلندرز کے پلیئرز ڈویلپمنٹ پروگرام کے ٹرائلز میں شرکت کے لیے پاکستان میں ہیں

تفصیلات کے مطابق  ڈیرن گف نے اپنے بیان میں کہا کہ شاہین آفریدی مستقبل میں پاکستان کی قومی ٹیم  کی قیادت کریں گے۔

گف نے کہا کہ اپنے دورے کے بارے میں بات کرتے ہوئے ڈیرن  گف نے کہا کہ انہیں طویل عرصے کے بعد یہاں آکر خوشی ہوئی ہے۔

 انہوں نے کہا کہ میں اس کے بارے میں بہت پرجوش تھا، جیسے ہی ہم نے چند ماہ قبل لاہور قلندرز کے ساتھ شراکت داری پر دستخط کیے، میں نے ہمیشہ کہا کہ میں پاکستان واپس آنے کا انتظار نہیں کر سکتا، یہاں تربیت اور کھیلنے کی میری کچھ اچھی یادیں ہیں۔

انہوں نے کہا کہ مجھے یہاں لاہور میں تجربہ کرنے کا موقع ملا ہے کہ وہ کس طرح پروگرام سے کچھ ٹیلنٹ کا انتخاب کرتے ہیں، پھر انہیں پی ایس ایل میں کھیلنے کا موقع ملے گا، ہم یارکشائر میں یہی کرنا چاہتے ہیں۔انہوں نے یارکشائر اور قلندرز کی پارٹنرشپ پر بات کرتے ہوئے کہا کہ یہ ایک شاندار پارٹنرشپ ہے، ہم سب مل کر کام کر رہے ہیں۔

ڈیرن گف نے کہا کہ شاہین  آفریدی ایک لاجواب ٹیلنٹ ہے، وہ بہت پرجوش ہے، اسے قلندرز کا کپتان بنا کر بہت اچھا لگا، میرے خیال میں اس نے بہت جوش و جذبے کے ساتھ ان کی قیادت کی، وہ مستقبل کے پاکستان کے کپتان ہیں۔

انہوں نے حارث رؤف سے متعلق کہا کہ حارث رؤف ہمارے لیے بہت اچھا سائن کر رہے ہیں، وہ ایک ایسا شخص ہے جس کی میں تعریف کرتا ہوں، طویل فارمیٹ میں زیادہ تجربہ نہیں ہے لیکن لاہور قلندرز، میلبورن اسٹارز اور پاکستان کے لیے ٹی ٹوئنٹی میں ایک شاندار پرفارمر ہے، میں نے انھیں ورلڈ کپ میں دیکھا تھا۔