سلیم شیخ کا نام پاکستانی فلم انڈسٹری میں کسی تعرف کا محتاج نہیں وہ ایک خوبروماڈل اور باصلاحیت اداکارکے طور پر جانے جاتے ہیں جنہوں نے نوے کی دہائی میں فلم انڈسٹری پر راج کیا۔ ایک وقت تھا کہ سلیم شیخ کا نام فلم کی کامیابی کی ضمانت سمجھا جاتا تھا۔

انہوں نے اداکاری کا آغاز1976میں بحیثیت چائلڈ اسٹار کےکیا، بطور چائلڈ اسٹار ان کا پہلا ڈرامہ شمع تھا۔ بعد ازاں انہوں نے کئی ڈراموں میں لازوال کردار ادا کئے ان میں سنہرے دن، راہیں، پراندا، کاجل گھر، پنکھ، دنیاداری، نیلا آسمان، صرف تمھارے لئے، دل سے دل تک، پیار میں، انوکھا لاڈلا، لاج، ڈرسی جاتی ہے صلہ اور حورپری شامل ہیں۔

جبکہ سلیم شیخ کی مشہور فلموں میں محبت کے سوداگر، دنیا دس نمبری، قسم، چیف صاحب، یس باس، کہیں پیار نہ ہو جائے، ایک اور لو اسٹوری، یہ دل آپ کا ہوا اور کھلے آسمان کے نیچے قابل ذکرہیں۔

حال ہی میں سلیم شیخ کی اپنی بیٹیوں کے ہمراہ کچھ تصاویر سوشل میڈیا کی زینت بنی جہاں ان کے مداحوں انہیں دیکھ مسرت کا اظہار کیا۔ سلیم شیخ 50 برس سے زائد عمر ہونے کے باوجود اپنی عمر سے کم دکھائی دے رہیں جبکہ ان کی بیٹیاں اور اہلیہ بھی ساتھ ہیں۔ ان کی بیٹیوں میں سے کوئی بھی شوبز سے وابستہ نہیں ہے۔

واضح رہے کہ سلیم شیخ جاوید شیخ کے چھوٹے بھائی ہیں جو کہ خود بھی پاکستانی ڈرامہ اور فلم انڈسٹری کے معروف اداکارہیں۔