امتحانات میں اچھے نمبر لینے کا آسان طریقہ جان لیں

امتحانات میں اچھے نمبروں سے پاس ہونے کی خواہش کون نہیں کرتا ہے۔

امتحان میں اچھے نمبر حاصل کرنا اور اچھے نمبروں سے پاس ہوجانے کی خواہش ہر ایک کی ہوتی جس کے لئے کوشش اور محنت  کی جاتی ہے جس میں کچھ لوگ پاس ہوجاتے ہیں اور بعض لوگ فیل  یا صرف مناسب نمروں سے نتائج حاصل کرتے ہیں۔

لیکن آج ہم آپ کو ایک راز کی بات بتائیں گے جو آپ کے لئے امتحانات میں کامیابی حاصل کرنے کے لئے بہتر ثابت ہوگی۔

اس حوالے سے ماہرین کا کہنا ہے کہ اگر طالب علم اچھی اور بہتر نیند کو اپنی زندگی کا حصہ بنالیں تو وہ زیادہ اچھے نمبر حاصل کرسکتے ہیں۔

اس حوالے سے ماہرین کی جانب سے ایک تحقیق بھی کی گئی ہے جس میں 97 طالبعلموں کی نیند کی عادات کا جائزہ ان کے پہلے سمسٹر کے دوران لیا گیا۔

تحقیق میں دریافت کیا گیا کہ جن طالبعلموں کی نیند کا دورانیہ اور تسلسل مستحکم تھا، انہوں نے اوسطاً 3.66 جی پی اے مارکس حاصل کیے۔

اس کے مقابلے میں جن طالبعلموں کی نیند کا دورانیہ ہر رات یکساں نہیں تھا انہوں نے اوسطاً 3.21 مارکس حاصل کیے۔

اس حوالے سے محققین کا کہنا نے بتایا کہ ہر رات 7 سے 8 گھنٹے کی نیند مثالی ہے مگر ایسا نہیں کیا جاسکتا کہ ایک رات 4 گھنٹے تک سوئیں اور اگلی رات 12 گھنٹے، اس سے نیند کی کمی تلافی ممکن نہیں ہوتی۔

محققین نے مشورہ دیا کہ طالبعلم نیند کا شیڈول طے کریں اور سونے سے ایک گھنٹے قبل ڈیوائسز کا استعمال ترک کردیں۔