پاکستان کے تیز گیند باز محمد عامر نے جاری کاؤنٹی چیمپئن شپ میں اپنی بولنگ سے ایک بار پھر سب کو حیران کردیاہے۔

تفصیلات کے مطابق گلوسٹر شائر نے نسیم شاہ کی جگہ عامر کو سائن کیا – جنہیں کندھے کی انجری ہوئی تھی – اور 2017 کی آئی سی سی چیمپئنز ٹرافی جیتنے والی ٹیم کے تیز گیند باز طویل وقفے کے بعد طویل فارمیٹ میں واپس آئے۔

عامرنے ہیمپشائر کے خلاف میچ  کی پہلی اننگز میں 57 رنز کے عوض تین وکٹیں حاصل کیں اور پھر دوسری اننگز میں 33 رنز کے عوض دوبارہ تین وکٹیں حاصل کیں۔

عامر نے 2019 سے طویل فارمیٹ کی کرکٹ نہیں کھیلی کیونکہ انہوں نے کام کے بوجھ کے مسائل کو ٹیسٹ کرکٹ جاری رکھنے میں رکاوٹ قرار دیا۔

وہ پاکستان کے لیے 36 ٹیسٹ میچ کھیل چکے ہیں اور ان کے نام 119 وکٹیں ہیں، انہوں نے 61 گرین شرٹس کے لئے ون ڈے اور 50 ٹی ٹوئنٹی میں بالترتیب 61 اور 59 وکٹیں  لی ہیں۔

محمد عامر کا کہنا  تھا کہ ایک بولر کے طور پر جب آپ کھیلتے ہیں اور گیند سوئنگ ہوتی ہے اور سلپ ہوتی ہے تو آپ بھی اس سے لطف اندوز ہوتے ہیں میں نے کاؤنٹی کرکٹ کھیلنے کا یہ موقع دیکھا اور چار روزہ کرکٹ سے لطف اندوز ہونا چاہتا تھ

محمد عامر کا مزیدکہنا تھا کہ ہر کھلاڑی کا خواب ہوتا ہے کہ وہ اپنی کاؤنٹی کی نمائندگی کرے اور اللہ نے مجھے بہت عزت دی  ہے۔