کینز فلم فیسٹیول میں اپنی فلم کے پریمیئر سے قبل الجزائر سے تعلق رکھنے والے معروف فلم اداکار انتقال کر گئے۔
غیر ملکی میڈیا رپورٹ کے مطابق الجزائر سے تعلق رکھنے والے معروف اداکار احمد بن عیسیٰ فرانس میں جاری کینز فلم فیسٹول میں اپنی فلم کے پریمیئر سے چند گھنٹوں قبل انتقال کرگئے۔
الجزائر کے 78 سالہ سالہ احمد بن عیسیٰ طویل عرصے علیل تھے، انہوں نے 120 سے زائد فلموں میں اداکاری کے جوہر دکھائے تاہم ان کی سنسنی سے بھرپور فلم ’سنز آف ریمیسز‘ ان کی زندگی کی آخری فلم ثابت ہوئی اور اداکار کینز فلم فیسٹیول 2022 میں فلم کے پریمیئر سے پہلے انتقال کر گئے۔
اداکار کے انتقال پر فلم ڈائریکٹر کلیمنٹ کوگیٹور نے ایک بیان جاری کیا جس میں انہوں نے تحریر کیا کہ احمد بن عیسیٰ کی اچانک موت سے مجھے گہرا صدمہ پہنچا۔
Advertisement
دوسری جانب الجزائر کی وزارت ثقافت نے بھی احمد بن عیسیٰ کے انتقال کی تصدیق کی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
