شاہ محمود قریشی نے کہا ہے کہ ہم الیکشن کے میدان میں پوری تیاری سے اتریں گے۔

سابق وزیر خارجہ شاہ محمود قریشی نے اپنے ایک بیان میں کہا کہ 25 مئی کا دن ملکی تاریخ کا سیاہ ترین دن تھا، جتنی پولیس گردی کی گئی آمریت کے دور میں بھی نہیں ہوئی۔

انہوں نے کہا کہ کارکنان کو بہادی سے مقابلہ کرنے پر خراج تحسین پیش کرتا ہوں، لانگ مارچ کی تیاریاں تیز کر دیں ہمیں اپنی غلطیوں سے سبق سیکھنا ہے۔

شاہ محمود قریشی کا کہنا تھا کہ غیر قانونی گرفتاریاں کی گئی جبکہ چادر اور چار دیواری کا تقدس پامال کیا گیا۔

انہوں نے کہا کہ تحریک انصاف نے آئندہ کے لائحہ عمل کے لیے سپریم کورٹ میں پیٹیشن ڈائر کر دی ہے، ضمنی الیکشن ہو رہے ہیں ہم پوری تیاری سے میدان میں اتریں گے۔

سابق وزیر خارجہ شاہ محمود قریشی کا مزید کہنا تھا کہ پارٹی نے درخواستیں طلب کر لی ہیں، الیکشن کمیشن کی جانب سے مخصوص نشتوں پر ابھی تک نامزدگی نہ ہونا باعث تشویش ہے۔

ایم این ایز ، ایم پی ایز سابق وزراء سمیت دیگر نے بڑی تعداد میں شرکت کی جبکہ راجہ یاسر ہمایوں ، سینیٹر اعجاز چوہدری ، برگیڈر اعجاز شاہ ، عمر سرفراز چیمہ ، رائے عزیز اللہ ، میاں محمود الرشید  ، مسرت چیمہ ، پیر سیدالحسن شاہ ، میاں اسلم اقبال ، ڈاکٹر مراد راس ، ڈاکٹر یاسمین راشد ، طالب نکئی ، پیر صمصام بخاری ، یاور بخاری، ہاشم ڈوگر ، سبطین خان ، رائے تیمور بھٹی ، چوہدری سجاد مہیس ،نصر اللہ گھمن ، ظہیر عباس کھوکھر ، زین قریشی ، اشرف سوہنا ، صوبائی پارٹی اور ضلعی صدرو نے شرکت کی۔