پاکستان کے مشہور گلوکار راحت فتح علی خان ماضی کو یاد کر کے افسردہ ہوگئے۔
پاکستان کے لیجنڈری گلوکار راحت فتح علی خان نے انکشاف کیا ہے کہ ایک وقت تھا کہ ان کے پاس مہمان کو کھانا کھلانے اور والدہ کے ڈائلاسز کے لیے بھی پیسے نہیں تھے۔
راحت فتح علی خان نے عید کے موقع پر نجی ٹی وی پروگرام میں بات کرتے ہوئے کہا کہ انہوں نے زندگی میں بہت مشکل حالات بھی دیکھے ہیں، ایسا نہیں ہے کہ ان کے پاس ہمیشہ سے ہی دولت اور شہرت تھی۔
انہوں نے کہا کہ اب جب وہ معاشی طور پر خوشحال ہو چکے ہیں، ان کے پاس اب بھی 1991 میں خریدی گئی کار موجود ہے اور ان کی خواہش ہے کہ وہ ان کے پاس رہے، کیوں کہ اسے دیکھ کر انہیں حوصلہ ملتا ہے۔
ایک سوال کے جواب میں راحت فتح علی خان نے کہا کہ آج کل کے قوال استاد نصرت فتح علی خان کے گائے ہوئے کلام کو گاکر روزی روٹی کما رہے ہیں، نئے قوالوں کو قوالی کا کچھ علم نہیں۔
Advertisement
AdvertisementAdvertisementView this post on InstagramAdvertisementAdvertisementAdvertisementAdvertisement
ان کا کہنا تھا کہ استاد نصرت فتح علی خان کو سننا ہی بہت کچھ سکھا دیتا ہے اور قوال اسی چیز کا فائدہ اٹھا کر ان کے گائے ہوئے کلاموں کو گا کر خود کو استاد نصرت فتح کا روحانی شاگرد قرار دیتے ہیں۔
Advertisement
انہوں نے ایک واقعہ بتایا کہ ماضی میں ان کے پاس علی الصبح ایک مہمان آئے تو اس وقت ان کے گھر میں صرف دو انڈے اور ایک بریڈ پڑا تھا، انہوں نے وہ تیار کرکے مہمان کی مہمان نوازی کی، کیوں کہ اس وقت ان کے پاس مزید چیزیں خریدنے کے لیے بھی پیسے نہیں تھے۔
راحت فتح علی خان کے مطابق وہ مہمان انہیں ایک شو کے ایڈوانس پیسے دینے آئے تھے اور انہیں پہلے مقامی شو کے لیے ایڈوانس میں 20 ہزار روپے ملے، جو کہ ان کی والدہ کے ڈائلاسز کے پورے مہینے کا خرچ تھا۔
AdvertisementAdvertisementView this post on InstagramAdvertisementAdvertisementAdvertisementAdvertisement
Advertisement
ان کا کہنا تھا کہ وہ ایسا وقت تھا کہ ان کے پاس والدہ کے ڈائلاسز کے لیے بھی پیسے نہیں تھے مگر ان پر خدا کا کرم ہوا اور ان کا مسئلہ حل ہوگیا۔
راحت فتح علی خان کا کہنا تھا کہ زندگی میں مشکل حالات دیکھنے کی وجہ سے ان میں کبھی غرور آہی نہیں سکتا۔
انہوں نے اعتراف کیا کہ وہ استاد نصرت فتح علی خان اور والدہ کی دعاؤں کی وجہ سے کامیاب ہوئے۔
راحت فتح علی خان نے اس دوران اپنے کیرئیر سے متعلق بات کرتے ہوئے بتایا کہ انہوں نے اپنا پہلا سولو شو برطانوی شہر برمنگھم میں 1985 میں کیا تھا، اس وقت وہ کم عمر تھے اور لوگوں نے انہیں بچہ اور استاد نصرت فتح علی خان کا شاگرد سمجھ کر پیار دیا مگر اب وہ خود اپنی پہچان بنا چکے ہیں۔
Advertisement
AdvertisementAdvertisementView this post on InstagramAdvertisementAdvertisementAdvertisementAdvertisement
اپنی نجی زندگی کے بارے میں بات کرتے ہوئے راحت فتح علی خان نے ایک سوال کے جواب میں بتایا کہ ان کی پہلی محبت اہلیہ ہیں اور انہوں نے ان سے پسند کی شادی کی تھی، ان کے سسرال والے انہیں رشتہ دینے کو تیار ہی نہ تھے اور انہوں نے بڑی مشکلوں سے رشتہ حاصل کیا۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
