واٹس ایپ پر ایک نیا ایموجی ری ایکشن فیچر متعارف کرایا گیا ہے، جسے ایپلی کیشن صارفین کی جانب سے خوب سراہا جارہا ہے۔

واٹس ایپ صارفین اب کسی بھی پیغام پر چھ ایموجیز میں سے کسی ایک کے ساتھ ردعمل کا اظہار کر سکتے ہیں۔

چیٹ ایپ سلیک کی طرح، یہ آپ کو پیغام کے بالکل وہی جذبات دکھانے کی سہولت فراہم کرتا ہے جو آپ محسوس کر رہے ہیں۔

اس نئے ٹول میں فی الحال انگوٹھا (تھمب)، سرخ دل، رونے اور ہنسنے والا چہرہ، اداس چہرہ، اور ‘دعا کرنے والا’ ایموجی شامل کیا گیا ہے۔

ایک ٹویٹر صارف کا اس حوالے سے کہنا ہے کہ نیا فیچر “اب تک کی سب سے بہترین چیز ہے”۔

ایک اور صرف لکھتے ہیں کہ “میں واٹس ایپ ری ایکشن فیچر سے واقعی خوش ہوں، اب میں بات چیت کو آسانی سے ختم کر سکتا ہوں!!”

ایموجیز کا استعمال کرتے ہوئے واٹس ایپ پر ردعمل کا اظہار کیسے کریں؟

واٹس ایپ پر میسج ری ایکشنز بھیجنا فیس بک میسنجر ری ایکشنز کی طرح کام کرتا ہے۔

آپ کو بس اتنا کرنا ہے کہ موصول ہونے والے کسی بھی پیغام کو دیر تک پریس کریں، چھ ایموجیز ظاہر ہوں گے۔ آپ جو چاہتے ہیں اسے صرف ٹیپ کریں اور یہ پیغام پر پاپ اَپ ہوجائے گا۔ جو آپ کے دوستوں کو بنا کچھ لکھے ہی سمجھا دے گا کہ آپ ان کی باتوں کے بارے میں کیسا محسوس کر رہے ہیں۔

صرف میسج ری ایکشن ہی واٹس ایپ میں آنے والا واحد نیا فیچر نہیں ہے۔

ایپ نے حال ہی میں غائب ہونے والے پیغامات کو شامل کیا ہے۔

بالکل Snapchat کی طرح، اضافی رازداری کے لیے آپ کے پیغامات ایک مقررہ مدت کے بعد خود ختم ہوجائیں گے۔

ایپ ایک ساتھ ایک سے زیادہ ڈیوائسز پر کام شروع کرنے کے لیے بھی تیار ہے، یعنی جب ایپ استعمال کرنے کی بات آتی ہے تو آپ ایک فون کے ساتھ نہیں پھنسیں گے۔

واٹس ایپ میٹا (سابقہ فیس بک) کی ملکیت ہے، اور مارک زکربرگ کے اہم کاروباری شعبوں میں سے ایک کے طور پر Instagram اور Facebook کے ساتھ منسلک ہے۔

یہ ایپلی کیشن اینڈ ٹو اینڈ انکرپشن کا استعمال کرتی ہے تاکہ یہ یقینی بنایا جا سکے کہ آپ جو کچھ آپ اپنے دوستوں کو بھیجتے ہیں اس کی رازداری برقرار رہے۔