حکومت سندھ تمام اضلاع میں یکساں ترقی چاہتی ہے، مرتضیٰ وہاب

ویب ڈیسک

18th May, 2022. 04:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت سندھ تمام اضلاع میں یکساں ترقی چاہتی ہے، مرتضیٰ وہاب

مرتضیٰ وہاب نے کہا ہے کہ حکومت سندھ تمام اضلاع میں یکساں ترقی چاہتی ہے۔

ایڈمنسٹریٹر کراچی مرتضیٰ وہاب نے ضلع وسطی میں سو پارکوں کی تزئین و آرائش کے تحت 26ویں پارک کا افتتاح کردیا ہے۔

انہوں نے کہا کہ شالیمار پارک ایک طویل عرصے سے بنجر اور خراب حالت میں تھا، ضلع وسطی میں آج بیک وقت چار پارکوں کا افتتاح کیا جا رہا ہے، ضلع وسطی میں اربن فاریسٹ بھی بنائے جا رہے ہیں۔

مرتضیٰ وہاب نے کہا ہے کہ پارک اور شجر کاری وقت کی ضرورت ہے، ہر شہری کو ایک درخت لگانا چاہیے، حکومت سندھ تمام اضلاع میں یکساں ترقی چاہتی ہے۔

ایڈمنسٹریٹر کراچی نے کہا ہے کہ پیپلز پارٹی کے چیئرمین بلاول بھٹو زرداری کے وژن کے مطابق کم ترقی یافتہ اور نظر انداز کئے گئے علاقوں میں بھی ترقیاتی منصوبے شروع کئے گئے ہیں۔

انہوں نے کہا کہ کراچی کے تمام علاقوں کے مکینوں کو بلدیاتی سہولتوں کی فراہمی ہمارا وژن ہے اور بلاتفریق ان سہولتوں کی فراہمی کیلئے کوشاں ہیں۔

مرتضیٰ وہاب نے کہا ہے کہ شہری ہماری ان کاوشوں میں شامل ہوں اور اپنے شہر کی تعمیر میں مل جل کر کام کریں۔