پاکستان تحریک انصاف لاہور کے عہدیداروں سے بڑی تعداد میں اسلحہ برآمد کیا گیا ہے جس کا مقدمہ بھی درج کرلیا گیا ہے۔

سماجی رابطے کی ویب سائٹ پر اپنے ایک پیغام میں پاکستان مسلم لیگ ن کی نائب صدر مریم نواز نے پی ٹی آئی  لاہور کے عہدیداروں سے برآمد کیے جانے والے اسلحے کے متعلق بتایا ہے۔

Weapons recovered by punjab Lahore police from vehicles of PTI Lahore office bearers Zubair Niazi and Bajash Niazi. Case registered. This is the ugly face of the so called Long March. These are the intentions. pic.twitter.com/oGZHituEgf

— Maryam Nawaz Sharif (@MaryamNSharif) May 25, 2022

مریم نواز نے اپنے پیغام میں کہا ہے کہ پنجاب لاہور پولیس نے پی ٹی آئی لاہور کے عہدیداروں اور ان کی گاڑیوں سے اسلحہ برآمد کیا ہے۔

انہوں نے کہا کہ ہ نام نہاد لانگ مارچ کا بدصورت چہرہ ہے اور یہ ان کے ارادے ہیں ۔

انہوں نےبتایا کہ لاہور پولیس نے اسلحہ ضبط کرتے ہوئے پی ٹی آئی لاہور کے عہدیداروں کے خلاف مقدمہ درج کرلیا ہے۔

مریم نواز کا کہنا تھا کہیہ لانگ مارچ نہیں ریاست پاکستان پر دہشتگردی کا حملہ ہے۔

خیال رہے کہ گزشتہ روز پریس کانفرنس کرتے ہوئے وفاقی وزیر رانا ثناء اللہ نے کہا تھا کہ پرامن احتجاج ہر شہری کا حق ہے لیکن پاکستان تحریک انصاف اس لانگ کو خونی مارچ بنانا چاہتی ہے جسکی حکومت ہر گز اجازت نہیں دے گی۔

اس حوالے سے وزیراعظم نے بھی فیصلہ کیا کہ عوام کی جان و مال کا ہر صورت تحفظ کیا جائیگا اور انتشار پھیلانے والوں کے خلاف سخت کارروائیاں کی جائینگی۔