اکثر ہم اپنی زندگی میں ایسی عادتیں اپنا لیتے ہیں جن میں ہمیں کئی مشکلات کا سامنا کرنا پڑسکتا ہے۔

زبان کی صفائی آپ کو سانس کی بدبو کے مسئلے سے چھٹکارہ دلاسکتی ہے، اس کے لئے آپ پلاسٹک سے بنے ہوئے چھوٹے ٹول کے ساتھ زبان کو کھرچ سکتے ہیں۔

یہ عمل نہ صرف سانس کی بدبو دور کرنے میں مدد کرتا ہے بلکہ یہ آپ کے ذائقے کے احساس کو بہتر اور آپ کی زبان کو خوبصورت بناتا ہے۔

دانتوں کو صاف اور چمکدار بنانے کے لئے آپ ماؤتھ واش کے بجائے تیل کا استعمال کریں جو زیادہ فائدے مند ہے۔

آپ ناریل، سورج مکھی یا تل کا تیل ایک یا دو چمچ چند منٹ تک اپنے منہ میں رکھیں اور اس دوران آپ چاہیں تو کوئی کام بھی کرسکتے ہیں،اس کے بعد تیل کو تھوک دیں۔

 دانتوں کو سفید کرنے کے فوائد کے علاوہ ہر روز ایسا کرنے سے دمہ، جلد کے مسائل، انفیکشن اور سر درد وغیرہ میں بھی مدد مل سکتی ہے۔

ماہرین کا کہنا ہے کہ ہمارے ہاتھ چھوٹی چیزوں کو چلانے کے لیے نہیں بنائے گئے اسی لئے زیادہ دیر تک فون پکڑنے اور انگوٹھے کو ایک چھوٹے سے بٹن پر لگاتار رکھنے کا عمل ہمارے جوڑوں کے لیے نقصان دہ ہوسکتا ہے کیونکہ یہ ہمارے ہاتھوں میں درد کا باعث بنتا ہے۔

آپ فون کو پکڑتے وقت انگوٹھے کو اپنی ہتھیلی سے دور کرنے کی کوشش کریں یا پیچھے کپڑا یا تولیہ رکھیں۔

تحقیق کے مطابق کسی تقریب میں تصاویر لینا آپ کی یادداشت کو کمزور کردیتی ہے،مجموعی طور پر اشیاء کی تصاویر لینے سے آپ ان چیزوں، تفصیلات اور مقام کو بھول سکتے ہیں بجائے اس کے کہ تصاویر لیے بغیر ان کا مشاہدہ کریں۔

اس کا مطلب یہ نہیں کہ آپ فوٹو لینا مکمل طور پر بند کر دیں،زوم ان کرنے اور تفصیلی شاٹس لینے سے آپ کو اپنے تجربے کو یاد رکھنے میں مدد مل سکتی ہے اور ممکن ہے کہ آپ اس موقع کی یاد کو کمزور نہ کریں۔

ایک تحقیق میں کہا گیا ہے کہ ناشتے یا کھانے کے بعد گروسری خریدنے کے لئے جانا درحقیقت آپ کی خریداری پر اثر کرسکتا ہے کیونکہ جب آپ کا پیٹ بھرا ہوگا تو آپ کم کیلوریز والی اشیاء کا انتخاب کرسکتے ہیں اس لئے بھوکا رہنا اور خالی پیٹ خریداری کرنا حیرت انگیز ہوسکتا ہے۔

اس کے علاوہ سنگترا اور دیگر کھٹے پھل آپ کی صحت کے لیے بہت فائدے مند ہیں، یہ آپ کے تناؤ کو کم کر سکتے ہیں اور ہاضمے میں مدد کر سکتے ہیں۔

چکوترا کچھ لوگوں کے لیے یادداشت کو بڑھا سکتا ہے اور اپنی کلائی پر لیموں کا بام لگانے سے آپ کا رویہ بہترہو سکتا ہے،نہ صرف یہ بلکہ وہ لوگ جو ڈائٹ کے دوران سنگترے کی خوشبو سونگھتے ہیں ان میں مٹھائی کھانے کے لالچ سے بچنے کا زیادہ امکان ہوتا ہے۔

آپ ورزش کے شوقین نہیں ہیں تو ہولا ہوپنگ آپ کے لیے ورزش کی ایک مثالی قسم ہو سکتی ہے، یہ کیلوریز اور چربی جلانے کا ایک پرلطف طریقہ ہے۔

 یہ جسم کے نچلے پٹھوں کو مضبوط بناتا ہے اور یہ قلب کے امراض کو آپ سے دور کرتا ہے۔

ماہرین کے مطابق سونے سے پہلے کافی پینا صبح جلدی اٹھنے والوں کی نیند کو متاثر کرسکتی ہیں تاہم ایک مطالعے سے پتہ چلتا ہے کہ رات کو کافی پینا نیند آپ کی نیند پر اثر انداز نہیں ہوسکتا، آپ کتنی بھی کافی پی لیں تب بھی آپ مزے کی نیند سوسکتے ہیں۔

فرش پر سونے سے کئی طرح کے فوائد ہوتے ہیں، اگر آپ کی کمر میں تکلیف رہتی ہے تو فرش پر سونے سے آپ کو آرام مل سکتا ہے لیکن فرش پر سونے سے پہلے آپ کو اپنے ڈاکٹر سے ضرور مشورہ کرلینا چاہئیے کیونکہ اس سے آپ کی کمر میں درد بڑھ بھی سکتا ہے۔