خوبانی میں موجود بادام بہت میٹھا ہوتا ہے اور بچے بھی خوبانی کے بیجوں کو بہت شوق سے کھاتے ہیں لیکن ان کو کھانے کے کچھ نقصان بھی ہیں۔

خوبانی کا بادام حاملہ خواتین ہر گز نہ کھائیں کیونکہ اس سے پیٹ میں درد بھی ہوگا اور یہ آنے والے بچے کی صحت کے لئے بھی غیر موزوں ہے۔

دودھ پلانے والی ماؤں کے لئے یہ بادام مضرِ صحت ثابت ہوتا ہے کیونکہ اس سے دودھ کی مقدار میں کمی ہوتی ہے اور بچے کا پیٹ بھی اس سخت اجزاء کو برداشت نہیں کر پاتا۔

خوبانی کا بادام ایمگڈالن نامی کیمیکل سے بھرپور ہوتا ہے جو کینسر کے مرض میں مزید نقصان دہ ثابت ہوتا ہے اس لئے وہ لوگ جن کو یہ بیماری ہے وہ قطعی اس کو استعمال نہ کریں۔

یہ ایمگڈالن نامی جز جسم کے اندر جا کر کر سائنایئڈ زہر بناتا ہے جسے ایک محدود مقدار سے زیادہ کھایا جائے تو موت واقع ہوسکتی ہے۔

اس کو کھانے سے الٹی، خون کے دباؤ کا مسئلہ، سر چکرانا اور شریانوں کو نقصان بھی پہنچ سکتا ہے۔

اگر خوبانی کے بادام کے فائدے کی بات کریں تو اس بادام سے نکلا ہوا تیل بالوں کی افزائش اور نشوونما کے لئے بہت فائدے مند ہے، اس کو بالوں کی جڑوں میں ہفتے میں 2 مرتبہ لگائیں اور کچھ گھنٹے کے بعد دھو لیں۔

اگر خوبانی کے بیج کا پاؤڈر بنا کر گرم پانی کے ساتھ پھانکیں تو یہ قبض کا ایک بہترین علاج ہے۔

وہ بچے جن کو پھوڑے پھنسیاں زیادہ نکلنے کی شکایت ہو وہ اس بادام کو دودھ کے ساتھ بلینڈ کرکے چہرے پر لگائیں اس سے ٹھندک بھی ملے گی، دانے بھی ختم ہوں گے اور آپ کی جلد بھی چمکدار ہو جائے گی۔

اس کے علاوہ یہ بادام چونکہ کئی کیمیکلز کا مرکب ہے تو یہ وزن میں تیزی سے کمی کرتا ہے، اس کو پانی میں ابال کر پی لیں یہ فائدے مند نسخہ ہے لیکن اگر بلڈپریشر جیسے مسائل ہیں تو ڈاکٹر سے رابطہ کریں۔