عمران خان کے شر سے عوام کو بچانا میرا فرض ہے، مریم نواز

ویب ڈیسک

15th May, 2022. 10:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان کے شر سے عوام کو بچانا میرا فرض ہے، مریم نواز

مریم نواز نے کہا ہے کہ عمران خان کے شر سے اپنے ملک کے عوام کو بچانا میرا فرض ہے۔

پاکستان مسلم لیگ (ن) کی نائب صدر مریم نواز نے گجرات میں جلسے سے خطاب کرتے ہوئے کہا کہ گجرات والو آپ نے تمام جلسوں کا ریکارڈ توڑ دیا، آج ملک کا گرم ترین دن لیکن لگتا ہے گجرات والوں کو اس کی کوئی پرواہ نہیں، آپ نے جو عزت دی اس پر گجرات والوں کی شکر گزار ہوں۔

انہوں نے کہا کہ عمران خان جیسے جھوٹے اور دغا باز کا نام لیتے ہوئے تکلیف ہوتی ہے، اس فتنے کے شر سے اپنے ملک کے عوام کو بچانا میرا فرض ہے

پاکستان مسلم لیگ (ن) کی نائب صدر نے یہ بھی کہا کہ عمران خان آج بچوں جیسے بہانے کر رہا ہے، عمران خان اب اپنی جان کو خطرہ کا جھوٹ گھڑ لایا۔

مریم نواز کا کہنا تھا کہ عوام جب جب چار سالہ کارکردگی کا مطالبہ کرتی ہے تو جواب صفر ہوتا ہے۔

ان کا یہ بھی کہنا تھا کہ خان صاحب ہم اپنے بدترین دشمن کے مرنے کی بھی دعا نہیں کرتے، اللہ کرے تم زندہ رہو اور نواز شریف کی کامیابیاں دیکھ دیکھ کر لوٹ پوٹ ہوتے رہو۔

پاکستان مسلم لیگ (ن) کی نائب صدر مریم نواز کا مزید کہنا تھا کہ یہ جھوٹا شخص تمام حدیں عبور کر گیا ہے، اس کو اس کے ساتھیوں نے بے عزت کر کے نکالا۔ تم ویڈیو سامنے لاؤ نواز شریف تم کو سیکیورٹی دے گا۔