پاکستان کے سابق بولر محمد سمیع نے دعویٰ کیا ہے کہ ایک میچ کے دوران انہوں نے شعیب اختر کی تیز گیند کو ریکارڈ دو مرتبہ توڑا تھا۔

پاکستانی میڈیا کے مطابق محمد سمیع نے کہا کہ شعیب اختر کا 160 کلومیٹر فی گھنٹہ کی رفتار سے گیند کرنے کا ریکارڈ میں نے جس میچ میں دو مرتبہ توڑا ، اس میچ  میں اسپیڈ گن کام نہیں کر رہی تھی۔

پاکستان نے کئی لیجنڈری فاسٹ بولرز پیدا کیے ہیں جنہوں نے گزشتہ چند دہائیوں میں کھیل پر غلبہ حاصل کیا۔

وسیم اکرم اور وقار یونس کی لیجنڈری جوڑی نے 90 کی دہائی تک بیٹنگ لائن اپ کو ستایا، جب کہ شعیب اختر کی تیز رفتار نے 2000 کی دہائی تک اپوزیشن کو ختم کردیا۔

 اس کے علاوہ بہت سے دوسرے تیز بولرز جیسے محمد سمیع، محمد آصف اور محمد عامر سمیت دیگر نے پاکستان کے لیے متاثر کن کارکردگی پیش کی ہے۔

ین الاقوامی کرکٹ میں سب سے تیز ترین ڈیلیوری کا ریکارڈ اختر کے پاس ہے جو انہوں نے 2002 میں نیوزی لینڈ کے خلاف کی تھی، اسپیڈ گن پر اس ڈیلیوری کی اسپیڈ 160 کلومیٹر فی گھنٹہ ریکارڈ کی گئی تھی۔

تاہم، سمیع نے اب دعویٰ کیا ہے کہ اس نے میچ کے دوران دو مواقع پر 160 کلومیٹر فی گھنٹہ کی رفتار کو عبور کیا ہے، اور یہ کہ ان کی رفتار اختر سے بہتر تھی۔

محمد سمیع نے مقامی میڈیا سے بات کرتے ہوئے کہا کہ ایک میچ تھا جہاں میں نے 162 کلومیٹر فی گھنٹہ اور 164 کلومیٹر فی گھنٹہ کی رفتار سے دو گیندیں کیں۔ لیکن مجھے بتایا گیا کہ بولنگ مشین کام نہیں کر رہی تھی، اس لیے انہیں شمار نہیں کیا گیا.

سابق پاکستانی باؤلر کا مزید کہنا تھا کہ جن بولرز نے 160 کلومیٹر فی گھنٹہ کے نشان سے آگے بڑھے وہ صرف منتخب مواقع پر ایسا کر پائے ہیں۔