عائشہ غوث پاشا نے کہا ہے کہ ٹیلی کمیونیکیشن سیکٹر کی توسیع کے لئے حکومت ہر ممکنہ تعاون فراہم کرے گی۔

وزیر مملکت برائے خزانہ ڈاکٹرعائشہ غوث پاشا سے ٹیلی نار گروپ کے ایگزیکٹو نائب صدر جورجن سی آرنٹز روسٹرپ کی ملاقات ہوئی ہے۔

ٹیلی نار پاکستان کے سی ای او عرفان وہاب خان اور سینئر افسران نے بھی شرکت کی۔

ٹیلی نار کی ٹیم نے وزیر مملکت کو اپنے ٹیلی کمیونیکیشن بزنس کے وژن اور مشن کے بارے میں آگاہ کیا۔

جورجن سی آرنٹز نے کہا کہ ٹیلی نار کا پاکستان کی ڈیجیٹل ترقی اور ٹیلی کمیونیکیشن کے شعبے میں نئے مواقع کیلئے تیار ہے۔

 انہوں نے یہ بھی کہا کہ ٹیلی نار کو پاکستانی عوام کی خدمت کرنے اور اس کے ڈیجیٹل سفر کا حصہ بننے پر فخر ہے۔

جورجن سی آرنٹز نے مزید کہا کہ ملک میں ترقی لانے اور لچکدار ڈیجیٹل معیشت کیلئے سازگار کاروباری ماحول یقینی بنانا ناگزیر ہے۔

ٹیلی نار نے کمپنی کو اسپیکٹرم کی حد اور ٹیکس کی شرح سے متعلق درپیش آپریشنل مسائل پر بھی بات کی۔

ملاقات میں وزیر مملکت برائے خزانہ ڈاکٹر عائشہ غوث پاشا نے ٹیلی نار کی پاکستان میں معیاری خدمات کی فراہمی اور ریونیو بڑھانے کی کوششوں کو سراہا۔

ڈاکٹر عائشہ غوث پاشا نے کہا کہ حکومت معاشی رکاوٹیں کم کرنے اور معاشی استحکام یقینی بنانے کے لئے سخت فیصلے کررہی ہے، استحکام کاروباروں کے ساتھ ساتھ ملک کے عوام کے لئے بھی زیادہ فائدے لائے گا۔

وزیر مملکت برائے خزانہ ڈاکٹر عائشہ غوث پاشا نے ڈیجیٹل معیشت کی نمو میں ٹیلی کمیونیکیشن سیکٹر کے کردار کا اعتراف کیا اور کہا کہ ٹیلی کمیونیکیشن سیکٹر کی توسیع کے لئے حکومت ہر ممکنہ تعاون فراہم کرے گی۔