مارچ کے مہینے سے ہی گرمی کا آغاز ہو جاتا ہے جو اکتوبر تک رہتا ہے ، شدید گرمی میں بھی کوئی کام رکتا نہیں یہی وجہ ہے کہ باہر نکلناہی پڑتا ہے اس لئے اس موسم میں اپنا خاص خیال رکھنا ضروری ہے۔

اکثر لوگوں کو گرمی میں سر درد کی شکایت ہوتی ہے جس کی کئی وجوہات ہوسکتی ہیں ۔

مائیگرین :

جن لوگوں کو مائیگرین کے درد کی شکایت ہوتی ہے گرمی کے موسم میں انھیں زیادہ درجہ حرارت اوردھوپ کی تیز روشنی کی وجہ سے سر درمیں درد ہوسکتا ہے۔

جسم میں پانی اور غذائیت کی کمی :

دوسری وجوہات:

نیند پوری نہ ہونے کی وجہ سے بھی سر میں درد ہوجاتا ہے، خالی پیٹ رہنے یا بھوک کی وجہ سے بھی سر میں درد ہو جاتا ہے۔

اس کے علاوہ بہت زیادہ گرم اورنمی والے موسم میں سخت جسمانی ورزش کرنے سے بھی سر میں درد ہوجاتا ہے۔

سر درد سے بچنے کے لئے صحیح غذا کا استعمال کریں

ماہرین کا کہنا ہے کہ جسم میں توانائی کی کمی اور ناقص غذا کا استعمال بھی گرمی میں سر درد کا باعث بن سکتا ہے ۔

اس سے بچنے کے لئے وہ کھانے کے روٹین میں یہ چیزیں شامل کرنے کا مشورہ دیتے ہیں ۔

زیادہ پانی پیئیں:

اپنی عمر،وزن اور کام کی نوعیت کے حساب سے دن میں آٹھ سے بارہ گلاس پانی پیئیں۔صاف پانی کا زیادہ استعمال آپ کو ڈی ہائڈریشن سے بچائے گا۔

جسم کو ٹھنڈا رکھنے والے مشروبات استعمال کریں :

گرمی میں سر درد سے بچنے کے لئے شربت عناب،تربوز کا شربت،تازہ ناریل کے پانی کو اپنی روزانہ کے روٹین میں شامل کریں ۔دودھ کے ساتھ گلقند کا استعمال کرنے سے بھی جسم کی گرمی دور ہوتی ہے۔

کیفین کا مناسب استعمال کریں :

مائیگرین کے کچھ مریضوں کو ادرک کی چائے پینے سے آرام آتا ہے۔لہٰذا ایسے مریض کم مقدار میں چائے کا بھی استعمال کر سکتے ہیں ۔

میگنیشیئم والے پھل کھائیں:

کیلا ،انناس،تربوزاور خوبانی میں میگنیشیئم وافر مقدار میں موجود ہوتی ہے لہٰذا ان پھلوں کو اپنی غذا میں ضرور شامل کریں۔

دہی اور دہی سے بنی چیزیں استعمال کریں :

کھانوں میں دہی کا زیادہ استعمال بھی سر درد سے بچاتا ہے ۔خالص دہی ،دہی کی لسی،دہی اور لوکی کا رائتہ جسم کی گرمی دور کرکے توانائی فراہم کرنے کے ساتھ سر درد سے بھی محفوظ رکھتا ہے۔

چکنائی والی مچھلی کھائیں:

ٹونا اور سالمن مچھلی میں اومیگا تھری فیٹی ایسڈز موجود ہوتے ہیں جن کے بارے میں کہا جاتا ہے کہ یہ سر کے درد کو کم کرتے ہیں۔

سپلیمنٹس استعمال کریں:

اگر آپ کو سر میں بار بار درد ہوتا ہے تو اس کے لئے ملٹی وٹامنز،آئرن اور میگنیشیئم کا سپلیمنٹ بھی استعمال کیا جاسکتا ہے لیکن اس کے استعمال سے پہلے اپنے ڈاکٹر سے ضرورمشورہ کریں۔

گرمی میں سر درد سے بچنے کے لئے  بہت زیادہ شکر اور نمک والی چیزوں سے گریز کریں۔