آسٹریلیا کی خواتین ٹیم کے ہیڈ کوچ میتھیو موٹ انگلینڈ کے مردوں کے وائٹ بال کے ہیڈ کوچ بننے کے لیے سرکردہ دعویدار کے طور پر سامنے آئے ہیں۔

رپورٹ کے مطابق میتھیو موٹ کو انگلینڈ کے سابق آل راؤنڈر پال کولنگ ووڈ پر ترجیح دی گئی ہے، جو حالیہ دوروں میں عبوری ہیڈ کوچ رہنے کے بعد سے یہ ذمہ داری سنبھالنے کے لیے بنیادی دعویدار تھے۔

انگلینڈ کے مینیجنگ ڈائریکٹر روب کی نے  ٹیسٹ اور سفید گیند کے فارمیٹس کے لی علیحدہ کوچز کے حصول پر آواز اٹھائی ہے۔

 گزشتہ ہفتے، برینڈن میک کولم کو روب کی، اینڈریو اسٹراس (ای سی بی کنسلٹنٹ) اور ٹام ہیریسن (ای سی بی کے چیف ایگزیکٹو آفیسر) کے ساتھ ایک متاثر کن ملاقات کے بعد ٹیسٹ ٹیم کا ہیڈ کوچ مقرر کیا گیا تھا۔

واقعات کے ایک دلچسپ موڑ میں میک کولم نے تقریباً ایک دہائی قبل نیوزی لینڈ کی کوچنگ کے لیے میتھیو موٹ کی سفارش کی تھی لیکن مائیک ہیسن کو ترجیح دی گئی۔

موٹ نے 2015 میں ملازمت سنبھالنے کے بعد سے آسٹریلیا کی خواتین کی ٹیم کے ساتھ شاندار کارکردگی کا مظاہرہ کیا ہے اور اسی سال آسٹریلیا نے ورلڈ کپ جیتا تھا۔

انہیں اس سال جسٹن لینگر سے کوچنگ کی ذمہ داریاں سنبھالنے کی بھی اطلاع دی گئی تھی، حالانکہ وہ خواتین کی ٹیم کے ساتھ قائم رہنے کے خواہشمند تھے۔