پاکستانی نژاد امریکی پاپ گلوکارہ عروج آفتاب نے پاکستانی گلوکارہ دیقہ کیانی کی تصویر ’ٹائمز اسکوائر‘ پر آویزاں ہونے پر خوشی کا اظہار کیا ہے۔
عروج آفتاب نے مائیکرو بلاگنگ سائٹ ٹوئٹر پر ایک پوسٹ کی ہے۔
ٹوئٹر پر پوسٹ کی جانے والی پوسٹ میں عروج نے لکھا کہ ’پاکستانی خواتین موسیقار ’ایکوئل آرٹسٹ آف دی منتھ‘ مہم کے ذریعے ٹائمز اسکوائر کو روشن کر رہی ہیں۔‘
دنیائے موسیقی کا اعلیٰ ترین ایوارڈ ’گریمی‘ جیتنے والی گلوکارہ نے کہا کہ ’میں اس مہم کو بہت پسند کر رہی ہوں۔‘
Advertisement
عروج آفتاب نے مزید کہا کہ ’حدیقہ کیانی ایک پاکستانی پاپ لیجنڈ ہیں۔‘
واضح رہے کہ حدیقہ کیانی کی تصویر ٹائمز اسکوائر بل بورڈ پر آڈیو اسٹریمنگ سروس اسپاٹی فائی کی’ایکوئل پاکستان‘ کے لیے ایمبیسیڈر کے طور پر آویزاں کی گئی۔
حدیقہ کیانی اس عالمی مہم کا حصّہ ہیں اور اسی لیے نیویارک میں ڈیجیٹل بل بورڈ پر لگے اشتہار میں بطور ’ایکوئل آرٹسٹ آف دی منتھ‘ گلوکارہ کی تصویر کو آویزاں کیا گیا ہے۔
یاد رہے کہ دنیا کی سب سے مشہور اسٹریمنگ سروس کی اس مہم کا مقصد خواتین کرئیٹرز کو دنیا کے ساتھ اپنا کام شیئر کرنے کے لیے ایک پلیٹ فارم دے کر ان کی حوصلہ افزائی کرنا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
