عدالتِ عظمٰی نے فہمیدہ مرزا کے خلاف توہین عدالت کی درخواست سماعت کے لیے مقررکرنے کی ہدایت کر دی۔ 

تفصیلات کے مطابق ڈی جی پاکستان اسپورٹس بورڈ کی تعیناتی میں رولز کو نظر انداز کرنے کے معاملے پر سپریم کورٹ نے سابق وفاقی وزیر فہمیدہ مرزا کے خلاف توہین عدالت کی درخواست سماعت کے لیے مقررکرنے کی ہدایت کی۔

چیف جسٹس آف پاکستان جسٹس عمرعطا بندیال نے اپنے چیمبرمیں اپیل کی سماعت کی۔

رجسٹرار آفس کے اعتراضات کے خلاف ڈپٹی ڈی جی پاکستان اسپورٹس بورڈ منصور خان کی اپیل منظورکی گئی۔

درخواست میں سابق وفاقی وزیر فہمیدہ مرزا اور سابق سیکریٹری بین الصوبائی رابطہ کو فریق بنایا گیا ہے۔

درخواست میں یہ بھی کہا گیا کہ سپریم کورٹ کا تین رکنی بینچ ڈی جی کی تعیناتی کے قوانین وضع کرچکا ہے۔ سپریم کورٹ کے احکامات نہ مان کر توہین عدالت کی گئی۔

یہ خبر بھی پڑھیں 

احتساب عدالت اسلام آباد میں توشہ خانہ ریفرنس کیس میں دائر درخواست پر مریم نواز کے وکیل نےعدالت سے دلائل کیلئے وقت مانگ لیا۔

سماعت کے دوران سابق وزیراعظم نواز شریف کی وطن واپسی کی اطلاعات سے متعلق عدالت میں گفتگو ہوئی۔

مریم نواز کے وکیل قاضی مصباح نے عدالت سے کہا کہ ریفرنس میں نامزد ملزم نوازشریف کی وطن واپسی کی خبریں میڈیا میں سن رہے ہیں۔

مذید پڑھیں