ایسا لگتا ہے کہ محبت، جنگ اور بھارت کے ٹیی وی ڈراموں  میں سب کچھ جائز ہے! جہاں مرکزی کردار مر جاتا ہے، لیکن بعد میں ایک نئے اوتار کے ساتھ واپس آتا ہے یا پلاسٹک سرجری کے بعد ظاہری شکل بدل لیتا ہے۔ یعنی کہ انڈسٹری میں منطق نام کی کوئی چیز ہی نہیں ہے۔

ابھی چند ہفتے پہلے بنگالی ٹی وی شو ’گوری ایلو‘ بھی اسکرین رائٹرز کی انوکھی منطق کی وجہ سے خبروں میں تھا۔

اس شو میں ایک سین پیش دکھایا گیا تھا جہاں مرکزی کردار گوری کو اپنے شوہر کے کمرے میں لیونارڈو ڈاونچی کی مشہور پینٹنگ مونا لیزا کی نقل ملتی ہے اور وہ اسے مالا اور اگر بتیاں لگا کر پوجنا شروع کردیتی ہے۔

اب، کونینیکا بنرجی، اندراجیت چکرورتی، کویاشا بیاواس اسٹارر شو ’آئے توبے سہوچوری‘ کو اس کی شادی کے ایک سین کے لیے ٹرول کیا جا رہا ہے۔

ایسا لگتا ہے کہ بنگالی ٹی وی سیریلز نے ’حادثاتی شادی‘ سے نمٹنے کے لیے بہت آسان اور دیسی طریقہ ڈھونڈ لیا ہے۔

ڈیلی سوپ کے ایک خاص سین میں دیبینا جو ڈرامے کے مرکزی کردار سہوچوری کے شوہر سمریش سے شادی کرنے والی تھی، ‘حادثاتی طور پر’ اس کے چھوٹے بھائی سے شادی کر لیتی ہے۔

اس پورے ایپی سوڈ نے سوشل میڈیا ٹرولز کو اس پر میمز بنانے پر مجبور کردیا۔

سین میں دکھایا گیا تھا کہ کس طرح دیبینا اپنے پروفیسر سمریش سے شادی کے لیے بے چین تھی لیکن بوبائی درمیان میں آجاتا ہے۔

How to marry your crush ? pic.twitter.com/hoD6fvhayQ

— Yotsu或 (@Yotsu_stan007) May 15, 2022

بوبائی پہلے ہی اس شادی کے خلاف تھا، خاص طور پر دیبینا کی وجہ سے سہوچوری کو اس صورتحال کا سامنا کرنا پڑا۔

وہ درمیان میں آتا ہے، سمریش کو دھکا دیتا ہے اور دیبینا غلطی سے بوبائی کے گلے میں مالا ڈال دیتی ہے۔

اسی طرح وہ دیبینا کے گلے میں مالا ڈالتا ہے، پھر اس کے ماتھے پر سندور ڈالتا ہے اور انہیں (حادثاتی) ‘شوہر اور بیوی’ سمجھا جاتا ہے۔

کچھ لوگوں نے اس طرح کے مناظر کے پیچھے کی ’منطق‘ پر سوال اٹھایا ہے، کچھ نے ساتھی نیٹیزین کو مشورہ دیا کہ وہ اپنے ’کرش‘ پر اس فارمولے کو آزمائیں۔

دیبینا کا کردار نبھانے والی کویاشا کہتی ہیں، “دیبینا ہمیشہ سمریش سے شادی کرنا چاہتی تھی جو شادی سے پہلے ہی پیچھے ہٹ گیا تھا۔ وہ سمریش کو اس سے شادی کرنے پر مجبور کرتی ہے اور ایک بہت بڑا بوال پیدا کرتی ہے۔ بوبائی کچھ کرنے کا فیصلہ کرتا ہے اور وہ سمریش کو دھکیل دیتا ہے۔ دیبینا غلطی سے بوبائی پر مالا ڈال دیتی ہے۔ یہ سمجھے بغیر کہ اس کے سامنے کون ہے۔ بوبائی نے موقع سے فائدہ اٹھاتے ہوئے اپنے بھائی کو ہٹایا اور دیبینا پر مالا ڈال دی، اس نے ایک لمحہ لیا اور پھر دیبینا کے ماتھے پر سندور ڈال دیا۔”

جب اس سین کے بارے میں پوچھا گیا تو اداکارہ کا کہنا تھا کہ ‘ہم فنکار ہیں اور ہماری ذمہ داری ہے کہ کسی منظر کو یقین کے ساتھ پیش کریں۔ کہانی ہمارے ہاتھ میں نہیں ہے۔‘‘

تاہم اداکارہ نے میمز اور پوسٹس دیکھی ہیں اور اس سے لطف اٹھاتے ہوئے خوب ہنسی بھی۔