وزیر خارجہ بلاول بھٹو زرداری نے کہا ہے کہ پہلےاصلاحات ہونگے  پھر الیکشن کرائے جائیں گے۔

وزیرخارجہ بلاول بھٹو نے قومی اسمبلی میں اظہار خیال کرتے ہوئے کہا ہے کہ ہم پولیٹیکل انجینئرنگ پریقین نہیں رکھتے، ہم جمہوری قوت ہیں، صاف و شفاف الیکشن چاہتے ہیں۔

انہوں نے کہا کہ ہمارا مطالبہ یہی رہا ہے کہ پہلے اصلاحات پھر انتخابات، اور عوامی مارچ میں بھی ہم نے عوام کے سامنے یہی بات رکھی تھی۔

وزیر خارجہ نے اس موقع پر بتایا کہ عدم اعتماد سے ایک رات قبل مجھے دھمکی آمیز پیغام موصول ہوا جس میں پیغام تھا کہ فوری الیکشن کرائیں یا مارشل لاء لگا دیاجائے ۔

اس موقع پر بلاول بھٹو کا کہنا تھا کہ تمام سیاسی جماعتوں کیلئے کوڈ آف کنڈکٹ ہونا چاہیے جس میں سیاسی طریقہ کار شامل ہونا چاہیے۔

انہوں  نے کہا کہ ہم ایسا فریم ورک تیار کرنا چاہتے ہیں جس سے تمام ادارے کام کر سکیں اور اسکے لئے جو جماعت پارلیمنٹ میں نہیں اسے بھی اعتماد میں لینا ہوگا کیونکہ کوڈ آف کنڈکٹ پر متفق نہ ہوئے تو اگلا الیکشن خونی ہوگا۔

انہوں نے کہا کہ عمران خان ملک میں فوری انتخاب کی فضا پیدا کرنا چاہتے ہیں، ایسے حالات پیدا کرنا چاہتے ہیں جس سے تیسری قوت کو موقع ملے گا۔

انہوں نے مزید کہا کہجو شخص 30 سال سے کرپشن اور احتساب کی رٹ لگا رہا تھا، وہ 4 سال کے اقتدار میں ایک چور کو سزا نہیں دلوا سکا اور ٹرانپیرنسی انٹرنیشنل رپورٹ کے مطابق خود تاریخ کا سب سے بڑا چور نکالا۔

بلاول بھٹو نے کہا کہ سابق وزیراعظم نے بھاگتے بھاگتے آئین و جمہوریت پر حملہ کیا اور آئین کو کاغذ کا ٹکڑا سمجھ کر پھاڑا گیا۔

انہوں نے بتایا کہ سابق وزیراعظم نے دیگر ممالک سے رابطے خراب کیے اور پاکستان کوآئسولیٹ کیا گیا جس کی وجہ سے پانی، آئینی، جمہوری بحران پیدا کیا گیا۔

انہوں نے مزید کہا کہ ریاستی مفادات پر حملے کیے جارہے ہیں اور ایسا کرنے کے والوں کے خلاف کارروائی ہونی چاہیے۔

ان کا مزید کہنا تھا کہ  جمہوری طریقے سے عدم اعتماد کا مقابلہ کرنے کے بجائے سابق وزیراعظم نے بھاگتے بھاگتے آئین توڑا کر جمہوریت پر جو حملہ کیا وہ عوام کے سامنے ہے۔۔