چہرے کے نقوش کتنے ہی حسین کیوں نہ ہو لیکن اگر اس پر چھائیاں موجود ہوتو چہرہ کا حسن ماند پڑجاتا ہے۔ چھائیاں ہلکے براؤن رنگ یا بھورے رنگ کے داغ ہوتے ہیں جو سورج میں رہنے کی وجہ سے جلد کے خلیات ایک جگہ جمع ہونے کی بناپر نمودار ہوتے ہیں۔ یہاں پر ان سے نجات کے لئے چند آزمودہ طریقے بیان کئے جارہے ہیں۔

شہد

شہد ایک مکمل غذا ہونے کے ساتھ جلد کے کئی مسائل کا بہترین حل بھی ہے یہی وجہ ہے کہ چھائیوں کے لئے کا استعمال سب سے مفید تصور کیا جاتا ہے۔ اس مقصد کے لئے شہد کو دن میں ایک دو بارلگانے سے نہ صرف چہرے کی قدرتی چمک میں اضافہ ہوگا بلکہ چھائیاں اور داغ دھبے بھی دور ہوجائیں گے۔

 لیموں

لیموں کے رس میں ایسے اجزاء پائے جاتے ہیں جو جلد کی رنگت صاف کرنے کی صلاحیت رکھتے ہیں اسے روئی کی مدد سے چہرے پر لگائیں اس طرح چھائیاں صاف ہوجائیں گی اور چہرہ کھل اٹھے گا۔

وٹامن ای

وٹامن ای آئل یا کریم کا استعمال چھائیوں کو دور کرنے میں نہایت مفید سمجھاجاتا ہے اگر اسے بلا ناغہ استعمال کیا جائے تو چند ہی ہفتوں میں چہرے کے تمام داغ دھبے اور چھائیاں دور ہو سکتی ہیں۔

ایلوویرا

چھائیوں کے لئے ایلوویرا جیل بھی بے حد فائدے مند ہے یہ چہرے سے چھائیوں کو نہ صرف صاف کرتا ہے بلکہ اسے دوبارہ نمودار ہونے سے بھی بچاتا ہے۔

دودھ

چھائیوں کے لئے ایک نہایت آسان طریقہ یہ ہے کہ چہرے پر جس جگہ چھائیاں ہو وہاں دودھ کا ماسک لگا دیں اور چند منٹ بعد دھولیں اس عمل کوچھائیوں کے صاف ہونے تک روز دہرائیں۔

ہلدی

 ہلدی، دودھ اورلیموں کے رس کو ملاکر چھائیوں پر لگائیں اور خشک ہونے پر دھولیں یہ بہترین ماسک ہے۔