اکاؤنٹ میں غلطی سے منتقل کروڑوں روپے جوئے میں ضائع کردیئے گئے

ویب ڈیسک

18th May, 2022. 04:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اکاؤنٹ میں غلطی سے منتقل کروڑوں روپے جوئے میں ضائع کردیئے گئے

ایک جاپانی شخص کے اکاؤنٹ میں غلطی سے جب ساڑھے تین لاکھ ڈالر کی رقم پہنچی تو اس نے اصل مالک کی تلاش کی بجائے اسے آن لائن جوئے کی ویب سائٹ پر لگادیا اور تھوڑی دیر میں تمام رقم ہار بیٹھا۔

چوبیس سالہ شخص کو غلطی سے کووڈ کی امدادی طبی رقم موصول ہوئی تھی جو پاکستانی روپوں میں سات کروڑ روپے کے برابر تھی۔ یہ رقم مغربی جاپان کے ایک شہر کی سرکاری انتظامیہ کی جانب سے غلطی سے بھیج دی گئی تھی۔ اس شخص نے مالِ مفت کو بے رحمی سے برتا اور کیسینو کی کئی ویب سائٹ پر اسے خرچ کردیا۔

اس شخص نے گرفتاری کے بعد عدالت کو بتایا کہ ساری رقم اسمارٹ فون سے جوئے پر لگائی اور اب اس کے واپس آنے کا کوئی امکان نہیں۔ اس نے یہ بھی کہا کہ اس عمل میں کوئی اور ملوث نہیں اور ساری رقم اسی نے ضائع کی ہے۔

اس نے کہا کہ میرے اکاؤنٹ سے منتقل رقم اب واپس نہیں آسکتی اور وہ اس کی سزا کاٹنے کو تیار ہے۔ انتظامیہ نے بار بار اس سے رقم کی واپسی کا کہا تو اس نے خود کو کنگال اور دیوالیہ ثابت کیا ہے۔

یہ رقم ان غریب اور متوسط سینکڑوں گھرانوں کے لیے بھیجی گئی تھی جو اب بھی کورونا وبا کے بعد معاشی طور پر بحال نہیں ہوسکے ہیں۔