کے پی حکومت میں سرکاری خرچ پر کس کو کتنا پیٹرول ملے گا؟ اعلامیہ جاری

ویب ڈیسک

21st Jun, 2022. 10:57 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کے پی حکومت میں سرکاری خرچ پر کس کو کتنا پیٹرول ملے گا؟ اعلامیہ جاری

خیبرپختونخواہ حکومت کی جانب سے کس سرکاری افسر کو کتنا پیٹرول فراہم کیا جائیگا اس حوالے سے تمام تر تفصیلات جاری کردی گئیں ہیں۔

تفصیلات کے مطابق خیبر پختونخوا حکومت نے وزراء اور بیورکریسی کے لئے پیٹرول کی حد مقرر کرتے ہوئے اعلامیہ جاری کردیا ہے۔

اعلامیے کے مطابق وزراء، مشیروں اور معاونین خصوصی کو اب 600 لیٹر کے بجائے 390 لیٹر سرکاری پیٹرول ملے گا جبکہ چیف سیکرٹری، اے سی ایس، سیکرٹری داخلہ، سیکرٹری خزانہ اور آئی جی کو 255 کے بجائے 146 لیٹر پیٹرول ملے گا۔

اسکے علاوہ تمام انتظامی سیکرٹریز، کمشنر اور ڈی آئی جیز کا مفت پیٹرول 200 سے کم کر کے 130 لیٹر کر دیا گیا ہے جبکہ ڈی سیز، اے ڈی سیز، ایس پیز کے لیے حد 160 سے کم کر کے 104 لیٹر پیٹرول مقرر کر دی گئی ہے۔

صوبائی حکومت کی جانب سے چیئرمین پبلک سروس کمیشن کو 150 کے بجائے 98 لیٹر پیڑول ملے گا اور ڈپٹی سیکرٹری، ایس ایز اور ایکس سی اینز کو ماہانہ 85 لیٹر پیٹرول ملے گا۔

ملاکنڈ اور ہزارہ ڈویژنز کے تمام اسسٹنٹ کمشنرز کا پیٹرول 350 سے کم کر کے 228 لیٹر کر دیا گیا ہے جبکہ خیبرپختونخوا ہاﺅس اسلام آباد کا مفٹ پیٹرول 1100 لیٹر سے کم کرکے 715 لیٹر کر دیا گیا۔

خیال رہے کہ اس سے قبل سرکاری ملازمین کے لیے پیٹرول میں 35 فیصد کٹوتی کی گئی ہے۔