سندھ میں زرعی اراضی پر بننے والی رہائشی اسکیموں کو روکنا ہوگا، اسماعیل راہو

ویب ڈیسک

12th Jun, 2022. 03:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ میں زرعی اراضی پر بننے والی رہائشی اسکیموں کو روکنا ہوگا، اسماعیل راہو

وزیر ماحولیات سندھ اسماعیل راہو نے کہا ہے کہ سندھ میں زرعی اراضی پر بننے والی رہائشی اسکیموں کو روکنا ہوگا۔

زرعی اراضی تیزی سے ختم ہونے پر تشویش کا اظہار کرتے ہوئے وزیر ماحولیات سندھ اسماعیل راہو نے کہا کہ زرعی اراضی پر رھائشی اسکیمز بنانے والوں کوروکا نہ گیا تو چند سال بعد ملک میں غذائی کمی اورماحولیاتی آلودگی میں اضا فہ ناگزیر ہو جائیگا۔

اسماعیل راہو کا کہنا تھا کہ زرعی اراضی ختم کرکے اس پر ہاؤسنگ سوسائٹیز بنانا زرعی معیشت اور ماحول کے لئے خطرناک ہے۔

انہوں نے کہا کہ وسیع پیمانے پر زرعی اراضی ختم کرکے رہائشی اسکیمیز بنانے سے کپاس، گندم اور چاول جیسی اہم فصلوں کی قلت بھی پیدا ہوسکتی ہے۔

اسماعیل راہو نے کہا کہ پانی کی کمی، ہیٹ ویو اور موسمی تبدیلی کے اثرات کی وجہ سے اہم فصلوِں کی پیداوار پر شدید منفی اثرات مرتب ہو رہے ہیں، سندھ میں زرعی اراضی پر بننے والی رہائشی اسکیموں کو روکنا ہوگا۔

وزیر ماحولیات کا کہنا تھا کہ ‏‎شہری اور دیہاتی علاقوں میں زرخیز زمینوں کو غیرقانونی طور پر رہائشی کالونیو ں کا ایندھن بنانے والوں کےخلاف سخت ایکشن لیا جائے۔