بگ بیش لیگ (بی بی ایل) کی فرنچائزبرسبین ہیٹ نے آسٹریلیا کے اوپننگ بلے باز عثمان خواجہ کے ساتھ چار سالہ معاہدے کا اعلان کیا ہے۔

تفصیلات کے مطابق عثمان  خواجہ جو پہلے سڈنی تھنڈرز کے لیے کھیلتے تھے اور ان کے ٹاپ اسکورر بھی  تھے لیکن  خاندانی وجوہات کی بنا پر فرنچائز چھوڑ گئےتھے۔

انہوں نے کہا کہ میں نے ہمیشہ سوچا تھا کہ میں سڈنی  تھنڈر کھلاڑی کے طور پر ختم کروں گا، لیکن یہ مضحکہ خیز ہے کہ حالات کیسے بدلتے ہیں۔

https://twitter.com/Uz_Khawaja/status/1541971235831025664?ref_src=twsrc%5Etfw%7Ctwcamp%5Etweetembed%7Ctwterm%5E1541971235831025664%7Ctwgr%5E%7Ctwcon%5Es1_&ref_url=https%3A%2F%2Fcricwick.net%2Fnews%2F14530%2FBBL-Usman-Khawaja-inks-deal-with-Brisbane-Heat

عثمان خواجہ نے کہا کہ میں نے ایک طویل عرصے سے یہ کہا ہے کہ برسبین گھر ہے، کوئینز لینڈ گھر ہےاور اب ہیٹ میں شامل ہونا  یہ واقعی پرجوش ہے۔

آسٹریلوی کھلاڑی نے کہا کہ میں جانتا ہوں کہ جب میں گابا یا میٹریکون اسٹیڈیم میں ہیٹ کے ساتھ ہوں گا تو میں اپنے خاندان اور گھریلو ہجوم کے سامنے کھیلوں گا۔

عثمان خواجہ نے مزید  کہا کہ وہ تھنڈرز کے ساتھ برسوں گزارنے کے بعد نئے چیلنج کا انتظار کر رہے ہیں، وہ آئندہ سیزن میں ٹیم کی قیادت کریں گے لیکن جنوبی افریقہ کے ساتھ آسٹریلیا کی ٹیسٹ سیریز کی وجہ سے وہ ابتدائی دو میچوں سے محروم رہیں گے۔