انڈین پریمئیر لیگ (آئی پی ایل) کی ٹیم کولکتہ نائٹ رائیڈرز بھلے ہی پلے آف کے لیے کوالیفائی نہیں کر پائی ہو، لیکن ان کے اسٹار آل راؤنڈر آندرے رسل آئی پی ایل 2022 ایڈیشن میں ٹیم کے چند روشن ستاروں میں سے ایک تھے۔

رسل، جنہیں KKR نے میگا نیلامی سے قبل12  کروڑ بھارتی روپے میں برقرار رکھا تھا، نے آئی پی ایل کے بعد خود کو ایک بالکل نئی کار تحفے میں دی ہے۔

رسل نے سوشل میڈیا پر ایک ویڈیو شیئر کی جس میں دیکھا جاسکتا ہے کہ وہ اپنی مرسڈیز بینز اے ایم جی جی ٹی آر کار میں داخل ہو رہے ہیں۔

انسٹاگرام پر رسل نے کار کی پہلی جھلک شیئر کی اور اس کے کیپشن میں لکھا، “ایک چھوٹی بستی میں رہنے والے کے طور پر میں ہمیشہ بڑے خواب دیکھتا ہوں! لیکن محنت اور قربانیوں سے خواب حقیقت بن جاتے ہیں۔”

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by Andre Russell🇯🇲 Dre Russ.🏏 (@ar12russell)

یہ کار جس کی قیمت 2 کروڑ بھارتی روپے سے زیادہ ہے سب سے زیادہ اسٹائلش گاڑیوں میں سے ایک ہے اور رسل کے ساتھی کرس گیل، ڈیرن سیمی اور ہندوستانی بلے باز سوریہ کمار یادیو نے آل راؤنڈر کو اس کار پر ہاتھ آزمانے پر مبارکباد دی۔

خیال رہے کہ رسل نے 174.5 کے اوسط کے ساتھ اپنے بلے سے 335 رنز بنائے جبکہ گیند سے 17 وکٹیں بھی حاصل کیں۔ 34 سالہ کھلاڑی نے اکیلے ہی ٹیم کے لیے دو گیمز جیتے۔ تاہم، پلیئنگ الیون میں عدم تسلسل اور مسلسل تبدیلیوں کی وجہ سے نائٹ رائیڈرز آئی پی ایل 2022 کے اگلے مرحلے تک نہیں جاسکی۔

رسل آخری بار ٹی 20 ورلڈ کپ 2021 میں ویسٹ انڈیز کے لیے کھیلے تھے، وہ کچھ مہینوں سے قومی ٹیم کا حصہ نہیں ہیں۔

اگرچہ اس سال کے آخر میں آسٹریلیا میں ہونے والے ٹورنامنٹ میں ان کے کھیلنے کا زیادہ امکان ہے۔

آل راؤنڈر قومی ٹیم کے ون ڈے دوروں کا حصہ نہیں ہیں۔

ڈوین براوو اور کیرون پولارڈ کے ریٹائر ہونے کے بعد اگر ویسٹ انڈیز کو T20 ورلڈ کپ 2022 کے سیمی فائنل میں پہنچنا ہے تو رسل کو اہم کردار ادا کرنا ہوگا۔