پاکستانی خواتین ٹیم کی کپتان بسمہ معروف اور ان کے اہل خانہ کو جولائی میں انگلینڈ کے شہر برمنگھم میں ہونے والے کامن ویلتھ گیمز کے گاؤں میں رہائش دی جائے گی تاکہ وہ ایونٹ کے دوران اپنی بیٹی کے ساتھ رہ سکیں۔

تفصیلات کے مطابق کامن ویلتھ گیمز فیڈریشن نے اس وقت تنقید کی جب میڈیا رپورٹس میں کہا گیا کہ بسمہ معروف کی بیٹی کو تسلیم کرنے سے انکار کر دیا گیا ہے۔

پاکستان کا مقابلہ ٹی ٹوئنٹی  کے عالمی چیمپئن آسٹریلیا اور 16 سے 24 جولائی تک میزبان آئرلینڈ سے ہوگا اور بالترتیب 29 جولائی اور 31 اور 3 اگست کو بھارت اور آسٹریلیا سے کھیلے گا۔

پی سی بی کی خواتین کرکٹ کی سربراہ تانیہ نے کہا کہ میں کامن ویلتھ گیمز کا شکریہ ادا کرنا چاہتی ہوں کہ انہوں نے ہماری کپتان بسمہ معروف کی فیملی کو گیمز ویلج میں جگہ دینے کی ہماری درخواست کو قبول کیا جس کی وجہ سے وہ اپنی کمسن بچی کی فکر کیے بغیر اپنے کام پر توجہ مرکوز کر سکیں گی۔

پی سی بی کی پیرنٹل پالیسی نے بسمہ  معروف کو اپنی بیٹی اور اس کی والدہ کے ساتھ بطور نگہداشت سفر کرنے کی اجازت دی ہے۔

واضح رہے کہ سری لنکا ویمن ٹیم پاکستان کے دورے پر آئی ہوئی ہے،ٹی ٹوئنٹی سیریز میں پاکستان نے مہمان ٹیم کو کلین سویپ کیا جبکہ ون ڈے سیریز کا پہلا میچ پاکستان نے 8 وکٹوں سے جیت لیا ہے۔