کورونا ویکسی نیشن؛ این سی او سی کی عازمین حج کے لیے اہم ہدایات

ویب ڈیسک

07th Jun, 2022. 12:03 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا ویکسی نیشن؛ این سی او سی کی عازمین حج کے لیے اہم ہدایات

کورونا ویکسی نیشن کے تناظرمیں این سی او سی نے عازمین حج کے لیے اہم ہدایات جاری کردیں ہیں۔

نیشنل کمانڈ اینڈ آپریشن سینٹر( این سی او سی) نے عازمین حج کو سہولت فراہم کرنے کے لیے کووڈ-19 کے لیے ویکسی نیشن کے دورانیے کواپ ڈٰیٹ کردیا ہے۔

بول نیوزکے مطابق سعودی عرب کے محکمہ صحت کی جانب سے اعلامیے کے مطابق عازمین حج کے لیے کورونا وائرس کی چار ویکسین (موڈرنا، فائزر، ایسٹرا زینیکا اورجانسن اینڈ جانسن) میں سے کسی ایک ویکسین کی دوخوارک لگوانا لازمی ہے۔

سعودی محکمہ صحت کی ان ہدایات کے تناظرمیں این سی اوسی نے سفرحج پرجانے والے افراد کو یہ سہولت فراہم کردی ہے کہ وہ اپنی پہلی یا دوسری خوراک کے 28 دن کے بعد مطلوبہ ویکسین کی اضافی/ بوسٹرخوراک حاصل کرسکتے ہیں۔

اس حوالے سے این سی اوسی کا کہنا ہے کہ یہ نئی گزارشات عازمینِ حج کے لیے سعودی حکومت کے کووڈ-19 ویکسی نیشن کے تقاضوں کی تعمیل کرنے میں مدد دے گی۔

قومی ادارہ برائے صحت کے مطابق ای موڈرنا اورفائزرویکسین ملک بھرمیں دستیاب ہے اورعازمین حج کسی بھی کورونا ویکسی نیشن مرکزسے بوسٹرخوراک حاصل کرسکتے ہیں۔