پاکستان ویمن اور سری لنکا ویمن ٹیم کے درمیان جاری ون ڈے سیریز کے دوسرے میچ میں پاکستان نے  سری لنکا  کو با آسانی 73 رنز سے شکست دے دی ہے۔

تفصیلات کے مطابق کراچی کے ساؤتھنڈ کلب کرکٹ اسٹیڈیم میں کھیلے گئے اس میچ میں پاکستان نے ٹاس جیت کر پہلے بیٹنگ کا فیصلہ کیا۔

پاکستان نے پہلے کھیلتے ہوئے مقررہ 50 اوورز میں 2 وکٹوں کے نقصان پر 253 رنز بنائے۔

پاکستان کی جانب سے اوپنر سدرہ امین نے  150 گیندوں پر 123 رنز کی شاندار اننگ کھیلی،منیبہ علی 56، جبکہ کپتان بسمہ معروف 36 رنز بنا کر ناقابل شکست رہیں۔

Advertisement

End of a phenomenal innings 🫡@SidraAmin31 is applauded on her way back to the pavilion 👏👏

🐦 @TheRealPCB_Live

Watch Live ➡️ https://t.co/zpGnRoYYdO
#⃣ #PAKWvSLW | #BackOurGirls pic.twitter.com/Ow8nxVtuHM

— Pakistan Cricket (@TheRealPCB) June 3, 2022

سری لنکا کی جانب سے اوشادی راناسنگھ اور کویشا دل ہاری نے 1،1 وکٹ حاصل کی۔

ہدف کے تعاقب میں مہمان ٹیم مقررہ 500 اوورز میں 9 وکٹوں کے نقصان پر 180 رنز بناسکی۔

سری لنکا کی جانب سے ہرشیتا مداوی 41 رنز بنا کر نمایاں بلے باز رہیں،کویشا دل ہاری32،پراسڈنی ویراکوڈے 20،ہنسیما کارونارتنے27 جبکہ کپتان  چماری اتھاپاتھو 16 رنز بنا سکیں۔

یہ بھی پڑھیں: سدرہ امین اور منیبہ علی نے نیا ریکارڈ قائم کردیا

پاکستان کی جانب سے  فاطمہ ثناء نے 4 کھلاڑیوں کو پویلین کی راہ دکھائی،امائمہ سہیل 2 جبکہ ندا ڈار نے 1 وکٹ حاصل کی۔

سدرہ امین کو شاندار سینچری اسکور کرنے پر مین آف دی میچ کا ایوارڈ دیا گیا۔

تین میچوں کی سیریز میں پاکستان کو 0-2 کی فیصلہ کن برتری حاصل ہے۔

https://twitter.com/TheRealPCB/status/1532695056578228225

واضح رہے کہ دونوں ٹیموں کے درمیان سیریز کا تیسرا  اور آخری میچ 5 جون کو کھیلا جائے گا۔