عامر لیاقت کی قبرکشائی، پوسٹ مارٹم کیلئے 6 رکنی ٹیم تشکیل

ویب ڈیسک

21st Jun, 2022. 10:05 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عامر لیاقت کی قبرکشائی، پوسٹ مارٹم کیلئے 6 رکنی ٹیم تشکیل

18 جون کو کراچی کی مقامی عدالت نے رکن قومی اسمبلی ڈاکٹر عامر لیاقت کا پوسٹ مارٹم کرانے کا حکم دیا تھا، عامرلیاقت کے پوسٹ مارٹم کے لیے قبر کشائی کی جائے گی۔

اس حوالے سے درخواست گزار کا کہناتھاکہ عامر لیاقت کی اچانک موت سے ان کے مداحوں میں شکوک و شبہات ہیں، شبہ ہے عامر لیاقت کو جائیداد کے تنازعے پر قتل کیا گیا۔

ڈاکٹر عامر لیاقت حسین کی موت کی وجہ جاننے کے لیے عدالتی حکم کے مطابق قبر کشائی اور پوسٹ مارٹم کے لیے پولیس سرجن ڈاکٹر سمعیہ سعید کی سربراہی میں 6 رکنی ٹیم تشکیل دے دی گئی۔

پولیس سرجن کے دفتر سے جاری حکم نامے میں بتایا گیا ہے کہ یہ ٹیم جوڈیشل مجسٹریٹ ایسٹ کی موجودگی میں جمعرات 23 جون کو صبح 9 بجے پولیس سرجن کے دفتر سے عبداللہ شاہ غازی مزار کے احاطے میں قبرکشائی کے لیے روانہ ہوگی۔

حکم نامے میں بتایا گیا کہ پولیس سرجن کراچی ڈاکٹر سمعیہ سعید اس ٹیم کی سربراہی کریں گی۔

اس کے علاوہ ٹیم میں بطور سینئر ممبر ایڈیشنل پولیس سرجن ڈاکٹر شاہد نظام، فرانزک ایکسپرٹ پروفیسر ڈاکٹر پرویز مخدوم اور ڈاکٹر ہری رام لوہانا کے ساتھ ساتھ بطور ممبر ڈاکٹر گلزار علی سولنگی اور ڈاکٹر محمد اریب شامل ہوں گے۔

‘عامر لیاقت نے عروج بھی دیکھا اور زوال بھی’

ویڈیو دیکھیں:

یہ بھی پڑھیں: عامر لیاقت حسین کی آخری وصیت کیا تھی؟

یہ بھی پڑھیں: عامر لیاقت کیساتھ سوشل میڈیا پر جو برتاؤ ہورہا تھا، دیکھ کر مایوسی ہوتی تھی