بہاولنگر میں تھانے کے اندر لیڈی ڈاکٹر کو بدترین تشدد کا نشانہ بنائے جانے کی ویڈیو سوشل میڈیا پر وائرل ہوگئی۔

پنجاب کے شہر بہاولنگر کے علاقے ہارون آباد میں لیڈی ڈاکٹر کو تھانے میں ایس ایچ او کی موجودگی میں بدترین تشدد کا نشانہ بنایا گیا۔

صحافی زاہد گشکوری  کی جانب سے ٹویٹر پر ایک ویڈیو پوسٹ کی گئی، جس میں دیکھا جاسکتا ہے کہ کچھ لوگ تھانے کے اندر ایس ایچ او کی موجودگی میں خاتون پر بدترین تشدد کر رہے ہیں اور پولیس افسر خاموش تماشائی بنا کھڑا ہے۔

صحافی زاہد گشکوری کی جانب سے جاری تفصیلات کے مطابق ہارون آباد پولیس اسٹیشن میں ہی سرکاری افسر کی کوئی بات نہیں سنی گئی بلکہ ایس ایچ او ہارون آباد تشدد کرنے والے ملزمان کے زیرِ اثر نظر آئے۔

Advertisement

A lady doctor is being beaten up by three unruly men in @PunjabPolicePaK SHO office in Haroonabad (Bahawalnagar). No one is listening to this civil servant. @rpobahawalpur @CS_Punjab @HamzaSS @Dpobahawalnagar may look into her case. pic.twitter.com/Q7YC6LJM7E

— Zahid Gishkori (@ZahidGishkori) June 29, 2022

صحافی نے  ٹوئٹر پر آر پی او بہاولنگر، وزیرِ اعلیٰ پنجاب حمزہ شہباز کو ٹیگ کرکے مذکورہ خاتون کو انصاف کی فراہمی کا مطالبہ بھی کیا ۔

ٹوئٹر پوسٹ کے جواب میں وزیرِ اعظم شہباز شریف کی اسٹریٹجک ریفارمز کے سربراہ سلمان صوفی نے لیڈی ڈاکٹر پر تشدد کو ناقابل قبول قرار دیتے ہوئے وزیر داخلہ پنجاب عطا تارڑ سے قانونی کارروائی کا مطالبہ بھی کیا۔

Advertisement

That’s unacceptable, proper action will be taken, @TararAttaullah sb is already on this.

— Salman Sufi (@SalmanSufi7) June 29, 2022

لیڈی ڈاکٹر پر بااثر سفاک مردوں کے تشدد کی ویڈیو پر سوشل میڈیا صارفین نے شدید غم و غصے کا اظہار کیا۔ صارفین نے ملزمان اور پولیس اہلکاروں کو سرِعام سزا کا مطالبہ کیا۔

ایک صارف نے لکھا کہ تحریک انصاف کے وزیراعلیٰ عثمان بزدار کے دور حکومت میں ایسے واقعات پر  فوری نوٹس لیا جاتا تھا، تاہم اب امپورٹڈ حکومت ہے معلوم نہیں ایکشن ہوگا یا نہیں۔