یہ بات سچ ہے کہ کسی بھی کام کی انجام دہی یا کوئی مقصد حاصل کرنے میں بعض اوقات سب سی بڑی رکاوٹ آپ کی اپنی ذات ہوتی ہے اس کی وجہ یہ ہے کہ آپ خود ہی اپنے آپ کو سب سے بہتر جانتے ہیں یہی وجہ ہے کہ لوگوں کی بڑی تعداد مستقبل کے لئے بہت سی خواہشات رکھتی ہیں یا گول سیٹ کرتی ہیں لیکن عمل اس کے برعکس ہونے پر یہ خواہشات پوری اور گول حاصل نہیں ہوپاتے۔

جیسے اکثر لوگ وزن کم کرنے اور فٹنس کے حصول کے لئے جم جانے یا کوئی کتاب پڑھنے کے لئے اپنے آپ کو تیار نہیں کرپاتے اسی لئے یہاں پر چند ایسے قابل عمل اور تحقیق سے ثابت شدہ طریقے بتائے جارہیں جو آپ کی خواہشات کے حصول میں معاون ثابت ہوں گے۔

آغاز صبح سے کریں

کسی بھی کام کے آغاز کے لئے صبح شاید آپ کے لئے اتنی اہمیت نہیں رکھتی لیکن ہیلتھ سائیکلوجی کی حالیہ تحقیق کے مطابق کسی بھی عادت کو اپنانے کے لئے صبح کا وقت موزوں ترین ہوتا ہے کیونکہ اس وقت کورٹیسول ہارمون کی سطح اپنے عروج پر ہوتی ہے جو کسی کام کے لئے آپ کو متحرک کرنے میں مدد فراہم کرتا ہے۔ تو بجائے اس کے کہ آپ کام کے بعد جم میں فٹنس حاصل کرنے کے لئےجائیں توکام سے پہلے اپنی دل کی دھڑکن کو ذرا بڑھالیں اور یہ کام دن کے آغاز پر انجام دیں۔

دوست کو بتائیں

کیلی فورنیا میں ڈومینیکن یونیورسٹی کے تحت کی جانے والی ایک تحقیق کے مطابق کسی بھی فرد کا اپنے اہداف کو حاصل کا امکان 35 فیصد زیادہ ہوتا ہے اگر وہ انہیں لکھتے ہیں یا کسی دوسرے شخص کے ساتھ شیئر کرتے ہیں اور پھرجیسے جیسے اس میں پیشرفت ہوتی جاتی ہے تو اسے چیک بھی کرتے رہتے ہیں۔

اگر آپ نے دوستوں کے گروپ میں اپنے ہدف یا گول کا ذکر کیا ہے تو دوستوں کو اس کوئی فرق نہیں پڑتا کہ آپ نے اس جانب کتنا سفر طے کرلیاہے، یہ محض ایک آئیڈیا ہے، تو کوشش کریں ایک ایسے دوستوں کی ٹیم بنائیں جو آپ کو اپنے اہداف کے حاصل کرنے کی حوصلہ افزائی بھی کریں اور آپ کی جیت کی بھی منتظرہو۔

کسی کام کے آغاز کے لئے دن مقرر کریں نہ کہ مہینہ

یہ ایک نہایت عمدہ طریقہ ہے کہ آپ اپنے آپ کو اس بات پر آمادہ کریں آپ اس دن یہ کام کرنے جارہیں ہیں اور اس کے لئے دن مقرر کریں اور اسی طرح کام کے اختتام کے لئے بھی چند دنوں کا وقت دیں۔ سائیکلوجیکل سائنس میں شائع ہونے والی ایک تحقیق کے مطابق اس طرح کا عمل مستقبل کے لئے آپ کو کام کے لئے آمادہ کرتا ہے اور اسے آسان بناتا ہے۔

اپنے آپ کو سراہیں

ایسا ممکن نہیں کہ کسی بھی کام کے دوران منفی خیالات نہیں آتے تو ان پر توجہ دینے کے بجائے خود کوبتائیں کہ آپ جو بھی کر رہے ہیں بہترین کر رہے ہیں ایک تحقیق کے نتیجے میں یہ بات سامنے آئی کہ جب کسی سخت ٹریننگ کے دوران سائیکل سوارمثبت جملے دہراتے ہیں جیسے کہ آپ یہ کر سکتے ہیں تو ان میں اس کام کو کرنے کے لئے تحریک پیداہوتی ہے اور وہ پہلے سے زیادہ پرجوش ہوکر وہ کام انجام دیتے ہیں۔

بڑے کاموں کے لئے چھوٹےاہداف مقرر کریں

امریکن سائیکلوجیکل ایسوسی ایشن کے مطابق جو لوگ چھوٹے اور مخصوص اہداف کی تکمیل کے لئے نکلتے ہیں ان کے حاصل کرنے کے امکان ایسے لوگوں کے مقابلے میں 90 فیصد زیادہ ہوتے ہیں جو بڑے اور وسیع تر اہداف رکھتے ہیں لہذا جب کسی بڑے گول کو حاصل کرنے میں مایوسی کا شکار ہو رہے ہوں تو اپنے اہداف کو چھوٹے کاموں میں تقسیم کردیں۔

اپنے آپ پر بھروسہ رکھیں

یہ سچ ہے کہ جو لوگ یہ جانتے ہیں کہ ان کے پاس بہت زیادہ قوت ارادی ہے وہ کام کر جاتے ہیں ایک تحقیق کے میں 153 طالب علموں کا پانچ ہفتوں تک جائزہ لینے کے بعد یہ بات سامنے آئی کہ جن طالب علموں کو یہ یقین تھا کہ ان کے پاس بہت زیادہ قوت ارادی موجود ہے ان میں کسی بھی کام کو تاخیر سے انجام دینے، جنک فوڈ کھانے اور بے جا خرچ کرنے کا امکان کم دیکھا گیا اور ان تدریسی نتائج بھی کافی بہتر تھے بہ نسبت جو کم قوت ارادی رکھتے تھے۔