مریم اورنگزیب نے کہا ہے کہ کابینہ نے پولیو ٹیم پر حملے کی مذمت کی ہے۔

وفاقی وزیر اطلاعات مریم اورنگزیب نے پریس کانفرنس کرتے ہوئے کہا ہے کہ وفاقی کابینہ نے افغانستان سے ٹرانسپورٹرز کو 6 ماہ کا ملٹی پل ویزا دینے کا فیصلہ کیا۔

انہوں نے کہا کہ فیصلے سے وسطی ایشیا افغانستان میں تجارت کو تقویت ملے گی، وفاقی کابینہ نے قومی ویسٹ مینجمنٹ پالیسی 2022 کی منظور دے دی ہے۔

مریم اورنگزیب نے کہا ہے کہ وفاقی کابینہ نے مختلف ممالک سے متعلق ویزا پالیسی میں تبدیلی کا ایجنڈا بھی منظور کرلیا، وفاقی کابینہ نے اقتصادی رابطہ کمیٹی کے 22 جون کے فیصلوں کی توثیق کر دی۔

وفاقی وزیر اطلاعات نے کہا کہ کابینہ کی قانون ساز کمیٹی کے 23 جون کے فیصلوں کی توثیق کر دی، نادرا کو آن لائن سسٹم کی تبدیلیوں کے لیےاقدامات کی ہدایت دی گئی، کابینہ نے پولیس اہلکاروں پر فائرنگ کے واقعے کی مذمت کی، وزیرداخلہ کوہدایت کی گئی کہ واقعے کی فوری رپورٹ دیں۔

انہوں نے کہا کہ وزیراعظم نے اگلے کابینہ اجلاس میں رپورٹ طلب کرلی، ورک ویزا کیٹگری میں دیگر تمام کیٹگریز شامل کی گئی ہیں۔

دوسری جانب پاکستان پیپلزپارٹی کی رہنما و سینیٹر شیری رحمان نے کہا ہے کہ خطرناک فضلے کی نقل و حرکت، ٹھکانے لگانا، دوسرے ممالک سے ویسٹ ڈمپ ہونے سے متعلق پالیسی بنائی گئی ہے۔

انہوں نے کہا کہ پالیسی خطرناک فضلے کے حساب سے بنائی گئی ہے، آج کی کابینہ نے ایک سنگ میل پالیسی منظور کی ہے، خطرناک فضلہ ہم سب کی صحت کیلئے مضر ہے۔

شیری رحمان نے کہا ہے کہ کیمیکل ویسٹ ڈائریکٹوریٹ بنانا ہوگی، ہمیں ایک نیشنل ایکشن پلان کے تحت آگے بڑھنا ہوگا، پانی کے ذخائر کو بھی فضلہ آلودہ کرتا ہے۔

پاکستان پیپلزپارٹی کی رہنما نے کہا کہ انوائرمنٹ پروٹیکشن ایجنسیز کو مضبوط اور مستحکم کرنا ہوگا، ان سارے کاموں کو روکنے کیلئے یہ پالیسی بنانا پڑی۔

انہوں نے کہا کہ  1990 میں 624 کنٹینر شپ ہوئے جنہوں نے پاکستان میں فضلہ ڈمپ کیا تھا، اس کو روکنا بہت ضروری ہے، ہماری ذمہ داری ہے کہ اس کو نہ آنے دیں، 80 ہزار ٹن ایک سال میں اگر پرائیویت باڈیز کے ذریعے امپورٹ کرکے ڈمپ کررہےہیں۔

شیری رحمان نے کہا ہے کہ پاکستان بیزل کنونشن کا دستخط کنندہ ہے، اس میں مائکرو پلاسٹکس بھی ہیں، ہم صوبوں کے ساتھ نیشنل ایکشن پلان بنائیں گے۔