حسن مرتضیٰ نےکہا ہے کہ خان یہودی ایجنٹ ہیں ان کے بچے یہودیوں کے پاس پڑھتے ہیں۔

سنئیر صوبائی وزیر پنجاب سید حسن مرتضیٰ نے چنیوٹ میں میڈیا ٹاک کرتے ہوئے کہا کہ ملکی حالات کے باعث تکلیف دہ فیصلے کرنا پڑرہے ہیں، جو عوام کے لئے تکلیف دہ ہیں۔

انہوں نے کہا کہ عمران نیازی نے آئی ایم ایف سے معاہدے کئے اور یہاں 86 روپے سبسڈی دیکر پیٹرول سستا کیا جبکہ عمران نیازی نے ڈوبے ہوئے جہاز جو بچانے اور مالی سہولت کاروں کو بچانے کے لئے قوم پر بوجھ ڈالا۔

سید حسن مرتضیٰ کا کہنا تھا کہ اب گوگی ہے نہ گوگا بلکہ اب صرف گوگا خان ہوگا اور عوام کا غیض و غضب ہوگا۔

سنئیر صوبائی وزیر پنجاب نے کہا کہ خان نے دھرنا نہیں دینا کیونکہ اب انہیں پتہ چل گیا کہ وہ بے نقاب ہوچکے۔

انہوں نے کہا کہ خان یہودی ایجنٹ ہیں ان کے بچے یہودیوں کے پاس پڑھتے ہیں، خان کے منہ میں خاک جس سے اس نے ملک ٹوٹنے کا بیان دیا۔

حسن مرتضیٰ کا کہنا تھا کہ سندھ کا صحت کا نظام ایشیا کا بہترین نظام صحت ہے، معاشی حقائق سے قوم کو آگاہ کرنا پڑے گا۔

ان کا یہ بھی کہنا تھا کہ معاشی دہشت گردی کے ذریعہ معیشت کنٹرول کرنے کی کوشش کی گئی، ایک ماہ میں ہم نے کونسی معیشت تباہ کردی؟ خان ملک کے نوجوانوں کو گمراہ کررہے ہیں

سنئیر صوبائی وزیر پنجاب سید حسن مرتضیٰ کا مزید کہنا تھا کہ جب تک خان کی انارکی اور تصادم کی سیاست ختم نہیں ہوجاتی آپ اس وقت تک ملک کے دوست نہیں ہوسکتے۔