بھارتی کرکٹ ٹیم کے کوچ راہول ڈریوڈ نے کہا کہ اتوار کو جنوبی افریقہ کے خلاف ٹی  ٹوئنٹی سیریز 2-2 سے برابری پر ختم ہونے کے بعد رشبھ پانٹ  اپنی بلے بازی اور قیادت کے بارے میں خدشات کے باوجود  بھارت کے منصوبوں کے لیے “اٹل” رہے۔

تفصیلات کے مطابق 24 سالہ وکٹ کیپر بلے باز  بھارتی کپتان کے طور پر اپنا ڈیبیو کر رہے تھے، جس سے یہ قیاس آرائیاں شروع ہو رہی تھیں کہ وہ  کپتانی نہیں کرسکتے۔

سیریز کے ابتدائی 2 میچز میں بھارت کو شکست ہوئی لیکبن اگلے دونوں میچز جیتے ،پانٹ  سیریز میں صرف 29، 5، 6 اور 17  اسکور بناسکے۔

راہول ڈریوڈ نے کہا کہ وہ ہماری بیٹنگ لائن اپ کا ایک لازمی حصہ ہے،یہ حقیقت ہے کہ وہ بائیں ہاتھ کا کھلاڑی ہے، درمیانی اوورز میں ہمارے لیے بہت اہم ہے اور وہ آگے بڑھنے والے ہمارے منصوبوں کا بہت بڑا حصہ ہے۔

انہوں نے کہا کہ آپ ابتدائی 2 یا 3 میچز سے کسی کی کپتانی کا اندازہ نہیں لگا سکتے۔

کوچ نے کہا کہ مجھے لگتا ہے کہ وہ ایک نوجوان کپتان ہے، وہ ہر وقت سیکھ رہا ہے، وہ ایک لیڈر کے طور پر بڑھ رہا ہے، اسے زیادہ سے زیادہ مواقع مل رہے ہیں، اس کے بارے میں فیصلہ کرنا ایک بار پھر جلد بازی ہے ۔

واضح رہے کہ رشبھ پانٹ  نے انڈین پریمیئر لیگ(آئی پی ایل) کی ٹیم دہلی کیپٹلز کی قیادت کی اور گزشتہ سال ٹیم کو پلے آف تک پہنچایا۔