بھارتی ٹی ٹوئنٹی ٹیم کے کپتان ہاردک پانڈیا نے آئرش بلے باز  ہیری ٹیکٹر کے روشن مستقبل کی پیش گوئی کی ہے۔

تفصیلات کے مطابق گزشتہ روز بھارت اور آئر لینڈ کے درمیان کھیلے جانے والے پہلے ٹی ٹوئنٹی میں 22 سالہ   ہیری ٹیکٹر نے صرف 33 گیندوں پر  3 چھکے اور 6 چوکوں کی مدد سے ناقابل شکست 64 رنز کی اننگ کھیلی۔

یہ ایک ایسی اننگز تھی جو آئر لینڈ کے لئے خوش قسمت ثابت نہ ہوئی کیونکہ  بھارت نے آسانی سے 10 اوورز سے بھی کم وقت میں آئرلینڈ کے ٹوٹل کا تعاقب کر لیا، لیکن ہاردک  پانڈیا نے کہا کہ مجھے نوجوان کی کارکردگی  پسند آئی۔

ہارد ک پانڈیا نے میچ کے بعد کی میڈیا کانفرنس کے دوران ہیری  ٹییکٹر کے بارے میں یہاں تک انکشاف کیا کہ انہوں  نے دائیں ہاتھ کے بلے باز  کو اپنا ایک بیٹ دیا تھا جسے امید ہے کہ وہ آئی پی ایل کے آئندہ ایڈیشن میں استعمال کر سکیں گے۔

بھارتی کپتان نے کہا کہ اس نے کچھ شاندار شاٹس کھیلے، میں نے اسے ایک بیٹ بھی دیا ہے، اس لیے ہو سکتا ہے کہ وہ مزید چھکے لگا سکے اور ہو سکتا ہے کہ آئی پی ایل کا معاہدہ حاصل کر سکے، اور میں اس کے لیے نیک خواہشات کا اظہار کرتا ہوں۔

ہاردک کے خیال میں ہیری  ٹیکٹر کے لیے مستقبل روشن ہے، بشرطیکہ وہ اپنے کھیل میں سخت محنت کرتا رہے اور جاننے والے اور صحیح وقت پر لوگوں سے صحیح مشورے حاصل کرے اور اسے صحیح رہنمائی دیں۔

واضح رہے کہ بھارت اور آئرلینڈ  کے درمیان سیریز کا دوسرا میچ کل ڈبلن میں کھیلا جائے گا۔