افغانستان میں زلزلہ متاثرین کی مدد کے لئے صوبائی حکومت کے احکامات پر پاک افغان بارڈر پر اہلکار تعینات کردیئے گئے ہیں۔

تفصیلات کے مطابق ریسکیو1122 کی زلزلہ زدگان کے لئے امدادی سرگرمیاں جاری ہیں ۔

افغانستان میں زلزلے کے دوران زخمیوں کو علاج معالجے کے لیے پاکستانی بارڈرز پر ایمبولینسز موجود ہیں جبکہ ریسکیو1122 نے انگور اڈہ، غلام خان اور طورخم پر اہلکاروں کو تعینات کیا ہے۔

Advertisement

افغانستان زلزلہ زدگان امدادی سرگرمیاں

ریسکیو1122 نے صوبائی حکومت کے احکامات پر پاک افغان بارڈرز پر اہلکار تعینات کردیے، امدادی سامان کے ٹرک اور ٹیمیں باڈر پہنچ گئی ۔ pic.twitter.com/x7LuEZQ5eW

— Government of KP (@GovernmentKP) June 23, 2022

ریسکیو1122 ایمبولینسز میں زخمیوں کو قریبی اسپتال منتقل کیا جائیگا۔

دوسری جانب وزیر اعلیٰ محمود خان کی ہدایت پر وزیر بحالی و آبادیات اقبال وزیر کی موجودگی میں افغان حکام کو امدادی سامان سے بھرے پانچ ٹرک حوالے کردیئے گئے ہیں۔

امدادی سامان خیمے، باورچی خانے کا سامان اور بستروں سمیت دیگر اشیائے ضروریہ شامل ہیں جبکہ مزید طبی امداد اور ٹیموں کی تشکیل و روانگی کو آج حتمی شکل دی جارہی ہے۔

ضلعی انتظایہ افغان حکام کیساتھ مسلسل رابطہ میں ہے اور کسی بھی ضرورت کے پیش نظر مکمل تعاون فراہم کیا جارہاہے۔

اسکے علاوہ سرحد پر پیدل مسافروں کے آنے اور زخمیوں کی ضلعی اسپتال لانے کیلئے چھ ایمبولینس بھی موقع پر موجود ہے۔