عمران خان عدلیہ پر دباؤ ڈال کر دوبارہ اقتدارمیں آنا چاہتے ہیں، حافظ حمد اللہ

ویب ڈیسک

04th Jun, 2022. 06:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان عدلیہ پر دباؤ ڈال کر دوبارہ اقتدارمیں آنا چاہتے ہیں، حافظ حمد اللہ

حافظ حمد اللہ نے کہا ہے کہ عمران خان عدلیہ پر دباؤ ڈال کر دوبارہ اقتدارمیں آنا چاہتے ہیں۔

ترجمان پی ڈی ایم حافظ حمد اللہ نے عمران نیازی کے خطاب پر ردعمل دیتے ہوئے کہا ہے کہ عمران نیازی عرف گوگے خان، تھکا ہوا، ہارا ہوا، پسپا ہوا اور ناکام سیاسی کھلاڑی ہے۔

انہوں نے کہا کہ گوگے خان نیازی سہولت کاروں اور بیساکھیوں کے سہارے اقتدار میں رہنے اور آنے کے عادی ہیں، گوگے خان،اسلام آباد، پنڈی اور عدلیہ کو دباؤ میں لاکر دوبارہ اقتدارمیں آنا چاہتا ہے۔

حافظ حمد اللہ نے کہا ہے کہ اداروں نے تحریک انصاف کے دفاع کا نہیں پاکستان کے دفاع کا حلف اٹھایا ہے، نیوٹرل کی نیوٹریلٹی کا فیصلہ ایک شخص کا نہیں پورے ادارے کا فیصلہ ہے۔

ترجمان پی ڈی ایم نے کہا ہے کہ پی ڈی ایم اوراتحادی حکومت کو یقین ہے کہ ادارے گوگے خان نیازی کے دباؤ میں نہیں آئیگے، گوگے خان نیازی تم لیڈر نہیں ایکٹر ہو لیڈر بھاگتا نہیں جیل جاتا ہے۔

انہوں نے کہا ہے کہ گوگے خان نیازی پاکستان کا پہلا لیڈر ہے جس نے گرفتاری سے بچنے کے لیے راہداری ضمانت عدالت سے لی۔