ترکی کے تاریخی گالاٹا ٹاور کے سامنے عجیب و غریب لباس میں ملبوس ایک شخص نے خود کو آگ لگا لی، لیکن اس سے بھی زیادہ دل دہلانے والی بات یہ تھی کہ وہاں موجود بے حس راہگیر جلتے ہوئے شخص کے ساتھ سیلفیاں لیتے رہے، یہاں تک کہ چھوٹے بچے بھی کھڑے ہو کر اس خوفناک واقعہ کو دیکھتے رہے۔

سوشل میڈیا پر گردش کرنے والی ایک ویڈیو کلپ میں دیکھا گیا ہے کہ متاثرہ شخص کے جسم سے آگ کے شعلے نکل رہے ہیں اور وہ ادھر ادھر دوڑ رہا ہے، لیکن ناقابل یقین حد تک اپنے پیروں پر قائم رہتا ہے۔ مذکورہ شخص گٹھنوں کے بل گرنے سے پہلے اپنے بازو پھیلاتا ہے اور واپس اٹھنے کی جدوجہد کرتا ہے۔

بالآخر، طویل اذیت ناک لمحات کے بعد جب وہ شعلوں میں لپٹا ہوا فرش پر لڑھکتا رہا تو، کچھ مقامی دکاندار آگ بجھانے کے لیے آگ بجھانے والے آلات کے ساتھ نمودار ہوئے۔

مذکورہ شخص جس نے مبینہ طور پر خود کو آگ لگانے سے پہلے پیٹرول میں بھگویا تھا، اس خوفناک آزمائش سے بچ گیا اور ابتدائی طبی امداد دینے کے بعد حکام سے بات کرنے میں کامیاب رہا۔

اس کلپ کے آن لائن پوسٹ ہونے کے بعد، تبصرہ کرنے والوں نے وہاں کھڑے ہو کر تماشہ دیکھنے والوں کے رویے پر ردعمل کا اظہار کیا۔

ایک سوشل میڈیا صارف نے لکھا کہ انہوں نے سوچا ہوگا ونکا دینے والا یہ واقعہ “صرف ایک شو” تھا۔

ایک اور صارف نے اعتراض اٹاھای کہ بچوں کو اس آدمی کو جلتا ہوا دیکھنے کی اجازت کیوں دی گئی۔

ویڈیو کے ایک ناظر نے قیاس کرتے ہوئے لکھا کہ شاید لوگوں کو یقین ہو گا یہ ایک بے ضرر اسٹنٹ تھا۔

ایک اور صارف نے کہا کہ میں فرض کروں گا کہ یہ ایک اسٹریٹ پرفارمنس ہے اور میرے خیال میں بہت سے دوسرے لوگوں نے بھی ایسا کیا۔