الیکشن کمیشن کا عملہ پیپلزپارٹی کی ہدایت پر کام کررہا ہے، ارباب غلام رحیم

ویب ڈیسک

26th Jun, 2022. 02:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن کمیشن کا عملہ پیپلزپارٹی کی ہدایت پر کام کررہا ہے، ارباب غلام رحیم

ارباب غلام رحیم نے کہا ہے کہ الیکشن کمیشن کا عملہ پیپلزپارٹی کی ہدایت پر کام کررہا ہے۔

وزیر اعظم کے معاون خصوصی ارباب غلام رحیم نے میڈیا سے گفتگو کرتے ہوئے کہا کہ سندھ کے عوام پیپلزپارٹی کو ووٹ نہیں دے رہے جس کی وجہ سے یہ دھاندلی کررہے ہیں۔

انہوں نے کہا کہ عوام الیکٹورل سسٹم سے مایوس ہو چکی ہے، پیسے دے کر لوگوں کو خریدنے والے اب ناکام ہوچکے ہیں۔

معاون خصوصی ارباب غلام رحیم نے مزید کہا کہ تھرپارکر کی تمام نشستوں پر امیدوار کھڑے کیے ہوئے ہیں۔

واضح رہے کہ سندھ میں بلدیاتی انتخابات کے لیے صوبے بھر کے 14 اضلاع میں پولنگ کا عمل شروع ہو گیا ہے، پولنگ صبح 8 سے شام 5 بجے تک بغیر کسی وقفے کے جاری رہے گی۔

14 اضلاع میں سکھر، لاڑکانہ، شہید بینظیر آباد، میرپور خاص، جیکب آباد، قمبر شہداد کوٹ، شکار پور، خیر پور، نوشہرو فیروز، سانگھڑ، کشمور، کندھ کوٹ، گھوٹکی اور تھر پارکر شامل ہیں۔

5 ہزار 331 نشستوں پر 21 ہزار 298 امیدوار مد مقابل ہیں جبکہ 946 امیدوار بلا مقابلہ کامیاب ہو چکے ہیں۔

14 اضلاع میں 9 ہزار 290 پولنگ اسٹیشنز میں سے 1985 انتہائی حساس اور 3448 حساس قرار دیے جا چکے ہیں۔

بلدیاتی انتخابات کے لیے 1 لاکھ 2 ہزار 682 افراد پر مشتمل انتخابی عملہ خدمات انجام دے رہا ہے۔