بھارتی کے ٹیسٹ کپتان روہت شرما کا کوویڈ  ٹیسٹ مثبت آنے کے بعد  بھارت نے اوپنر میانک اگروال کو انگلینڈ کے خلاف ری شیڈیول ٹیسٹ کے لئے اسکواڈ میں  شامل کرلیا ہے۔

تفصیلات کے مطابق میانک  اگروال   انگلینڈ کے لیے روانہ ہو گئے ہیں، اور برمنگھم میں ٹیم  کو جوئن کریں گے۔

اگروال نے اب تک  بھارت کے لیے 21 ٹیسٹ کھیلے ہیں، جس میں 41.33 کی  اوسط سے 1488 رنز بنائے ہیں، جس میں چار سنچریاں شامل  ہیں۔

بھارت کو اس وقت انگلینڈ کے خلاف پانچ میچوں کی سیریز میں 2-1 کی برتری حاصل ہے،یہ میچ  بھارت کی انگلینڈ میں 2007 کے بعد پہلی ٹیسٹ سیریز جیتنے کی امیدوں کے لیے اہم ہوگا۔

یہ بھی پڑھیں: روہیت شرما کا کووڈ ٹیسٹ مثبت آگیا

واضح رہے کہ لیسٹر شائر کے خلاف  بھارت کے وارم اپ کھیل کے دوران روہت  شرما کا ٹیسٹ مثبت آیا، اور وہ دوسری اننگز سے محروم رہے،بھارتی ٹیم کو اب بھی امید ہے کہ کپتان دوبارہ شیڈول ٹیسٹ کے لیے وقت پر صحت یاب ہو جائیں گے۔

دونوں ٹیموں کے درمیان پانچواں میچ یکم سے 5 جولائی کے درمیان برمنگھم میں کھیلا جائے گا۔

بھارتی اسکواڈ میں روہت شرما (کپتان )، شبمن گل، ویرات کوہلی، شریاس ایر، ہنوما وہاری، چیتشور پجارا، رشبھ پنت (وکٹ کیپر )، کے ایس بھرت (وکٹ کیپر)، رویندرا جدیجا، روی چندرن اشون، شاردول ٹھاکر، محمد شامی، جسپریت بمراہ، محمد سراج ، امیش یادو، پرسید کرشنا اور  میانک اگروال شامل ہیں۔